عمرو أديب عن صورة حارس الزمالك: "أول مرة أشوف لاعب بيلطم"
أبدى الإعلامي عمرو أديب، استيائه من مستوى أداء لاعبي نادي الزمالك، قائلا: "إحنا عندنا حد بيفكر في السحر، إحنا اتغلبنا إمبارح عشان مجتش وملعبتش، مفيش فرقة بتلعب بخطة في مصر أنتم بتضحكم علينا".
وقال أديب، خلال برنامج "الحكاية" المذاع عبر فضائية "إم بي سي مصر"، "دفاع الزمالك الماتش اللي فات كان شوربة، كهرباء ملعبش إمبارح.. الشناوي إمبارح كانوا بيكلموه في التليفون عشان في كرة، هو في إيه".
وقال الإعلامي عمرو أديب، إن لاعبي الزمالك لم يكن لديهم ثبات إنفعالي أمس، مضيفا: "محمد صبحي كان بيلطم إمبارح، أول مرة أشوف لاعب بيلطم في مباراة في مصر، نادي الزمالك بينتهي يا تلحقوه يا متلحقهوش، إحنا رايحين في سكة اللي يروح ميرجعش".
