رحاب الجمل تكشف عن سر استبعادها في عمهم
كشفت الفنانة رحاب الجمل، عن استبعادها من فيلم "عمهم" للفنان محمد عادل إمام.
وقالت رحاب، ببرنامج "الستات": "هو فريق العمل كله اتغير.. أنا وأستاذ محمود حميدة وأمينة خليل وحصل تغيير في فريق العمل كله ومسألتش ده حصل ليه.. أنا بحترم ده جدا خصوصا إن اللي كلمني أستاذ حسين المنباوي فهي وجهة نظر فكان لازم أحترم ده والشياكة بتستدعي إنك متحرجيش الناس".
رحاب الجمل:جالي وسواس إن أنا مش أفضل حد أو كده واتهزيت شوية
وأضافت: "جالي وسواس إن أنا مش أفضل حد أو كده واتهزيت شوية إنما لما يكون معايا وحش زي محمود حميدة وأمينة خليل قولت لأ يبقى ده أكيد في وجهة نظر إنتاجية أو إخراجية".
لماذا كانت رحاب متحمسة لهذا العمل؟
وتابعت: "أنا كنت متحمسة أعمل كوميدي فجالي الدور ده فاتبسطت وبعدها راح مني فمفهمتش بس في نفس الأسبوع ومع نفس الشركة المنتجة جالي مستر إكس ففهمت إن مفيش مشكلة فيا".
آخر أعمال رحاب الجمل
والجدير بالذكر آخر أعمال الفنانة رحاب الجمل فيلم "مستر إكس" بطولة الفنان أحمد فهمي والفنانة هنا الزاهد وهو من تأليف وإخراج أحمد عبد الوهاب، والذي نال على إعجاب الجمهور في الوطن العربي واقتحم شباك التذاكر بقوة.
