آخرهم "مش هتغير عشان حد".. 11 أغنية عن حب الذات في مسيرة تامر حسني
طرح تامر حسني منذ أيام أغنية "مش هتغير عشان حد"، وهي ثالث أغاني ألبومه الجديد "هرمون السعادة" الذي من المقرر طرح جميع أغنياته خلال فترة الصيف.
وفور طرح الأغنية نالت إعجاب الجمهور خاصًة أن تامر قد تميز بهذا النوع من الأغاني في بداية مسيرته الفنية، وسريعًا ماقام الجمهور بربط الأغنية بانفصاله عن زوجته بسمة بوسيل، حيث قالو أنه يوجه لها هذه الكلمات خاصًة أنها من كلماته وألحانه.
وحدث ذلك تمامًا مثل عندما بكى "حسني" أثناء غنائه لأغنيته الشهيرة "إرجعلي" فى أولى حفلاته بعد الإنفصال وربطوا بكائه برغبته في الرجوع لزوجته مرة أخرى.
لكن، مش هتغير عشان حد" ليست الأولى من نوعها في مسيرة تامر حسني الغنائية، بل طرح من قبل أغاني شبيهه لها يرصد لكم" الفجر الفني" في السطور التالية اسماء تلك الأغاني:
أغنية "حرقة دم"
حرقة دم تم صدورها عام 2004 ضمن ألبوم "حب" وهي من كلمات وألحان تامر حسني، وجاءت كلماتها كالتالي:
أرجعلك يعني حرقة دم
أسمعلك كل كلامك هم
عيزاني ياه.. تاني لا
في غيرك أنا عنده أهم
أغنية "إنتي نسيتي نفسك"
الأغنية من كلمات حسن عطية وألحان وليد سعد، تم طرحها عام 2004 ضمن ألبوم "حب".
من كلماتها:
إنت نسيتي نفسك وبقيتي بتجرحيني
زمان كان بس نفسك أعدي وتلمحيني
إنتي طلعتي في الهوى ملكيش حبيب
أقدر كمان أنساه أنا وأبعد وأسيب
أنا اللي ياما حلمتي بيه
وكان مناكي نظرة عينيه
أغنية "ربنا يوفقك"
ربنا يوفقك من كلمات أمير طعيمة وألحان محمد يحيى، وتم طرحها عام 2006 ضمن ألبوم 'عنيا بتحبك".
ومن كلماتها:
لا احكيلك ولا تحكيلي
وبلاش تتلككيلي
مش ناقصة شقى.. وأمانة بقى
على قلبي تسلميلي
ومادام انتي شايفة كده
خسارة اني اعشقك
ضيعت سنين معاكي
كدابة بصدقك
أغنية "سيب الحب"
من كلمات أمير طعيمة وألحان خالد عز تم طرجها ضمن ألبوم "يابنت الإيه" عام 2007.
ومن كلماتها:
مشتاق ايه يا ابو شوق ماتروق
ماتصحصح حبة وفوق
انت قابلت الخير بالسوء
دلوقتي اتعذب دوق
وحب بعيد عن قلبي
يعني اطلع من راسي
أغنية "إعتذري"
الأغنية من كلمات تامر حسني وألحان هيثم شاكر، تم طرحها عام 2007 ضمن ألبوم "يابنت الإيه".
وجاءت كلماتها:
اعتذري للي هاييجي بعدي
خليه يسامحني اصل انا
اخدت كل حاجه ف عهدي
وشوفي عهدي كان كام سنه
انا مش قلقان عليكي
عارفك راجعة وبوعدك
مين غيري بيملي عنيكي
مين زيي هايقدر يسعدك
أغنية "اسكتي"
تم طرحها ضمن ألبوم "قرب كمان" عام 2008، وهى من كلمات وألحان تامر حسني، وجاءت كلماتها كالتالي:
أسكتى مش الحياة من غيرك
طلعت أحلى
وانا كنت فاكرها ف بعدك
هتكون صعبة
ومش سهلة
أغنية "قلبي اللي حبك"
هى أيضًا من كلمات وألحان تامر حسني وتم طرحها ضمن ألبوم "قرب كمان" 2008، ومن كلماتها:
قلبي اللي حبك بطل يحبك
بطل يسلم بطل يتكلم
بطل يقول بهواك
أغنية "هاعيش حياتي"
هاعيش حياتي من كلمات وليد العزالي وألحان كريم محسن، وتم طرحها عام 2009، ومن كلماتها:
أنا هاعيش حياتي بعد منك هنا
مش فارقة عندي تبقى جمبي هنا
راحت خلاص أيام زمان
ولا هضعف لو انت تبكي جمبي ١٠٠ سنة
مبقيتش عايز حاجة منك ليا انا
ده خسارة فيك حتى السلام
أغنية "مبطلناش إحساس"
تم طرح الأغنية أيضًا ضمن ألبوم "خليك فولازي" 2020، وهى من كلمات محمد القاياتي وألحان محمد حمزة، ومن كلماتها:
بطلنا نقيس مقاماتنا بعيون الناس
مش كل الناس بتشوف
ولا كل الناس تتقاس
بطلنا نحب زياده
مبطلناش احساس
أغنية "كرهتني في الحب"
الأغنية من كلمات محمد البوغه وألحان محمود خيامي، وتم طرحها ضمن ألبوم "خليك فولازي" 2020، ومن كلماتها:
حبيبي الغالي بعد الأشواق
إحنا تمامنا أنا وانت فُراق
كنت هدية هديتك بيا
لكن شكلك قطّاع أرزاق
كرّهتني في الحب وسيرته
وقلبي وطيبته وشوفت معاك
أيام صعبة الله لا يعيدها
بس في بيتها هروح وانساك
أغنية "خدنا مناعة"
الأغنية من كلمات أحمد المالكي وألحان بلال سرور، وتم طرحها عام 2022 ضمن ألبوم "عشأنجي"، ومن كلماتها:
نفوق شوية في ايه ياجماعة
ومانجريش ورا ناس بياعة
اللي استغنى برا دماغنا
يمشي وغيره ييجي في ساعة
ايه ياجماعة
