"أحلى لحظة لما تشارك حد فرحته ".. أحمد جمال يشعل أجواء حفل المنصورة
نشر السلطان أحمد جمال مجموعة صور جديدة له، من حفلته الآخيرة بجامعة المنصورة، وذلك عبر صفحته الرسمية بموقع التواصل الإجتماعي "فيسبوك".
وعلق جمال على الصورة قائلًا:" أحلي لحظة لما تشارك حد فرحته وخصوصا فرحة التخرج مبروك لكل خريجين كليه التجارة جامعه المنصورة اليوم كل حلو بيكم..شكرًا لكل منظمي الحفل وشكرًا لكل الحضور ".
حفلة أحمد جمال القادمة
يستعد الفنان أحمد جمال لإحياء حفلًا غنائيًا كبيرًا في الساحل الشمالي، وذلك يوم الجمعة المقبلة، ومن المقرر أن يقدم خلاله مجموعة من أغانيه المميزة.
" أنا اشتريت " أحدث أغاني أحمد جمال
طرح أحمد جمال مؤخرًا أغنية جديدة بعنوان “أنا اشتريت”، عبر قناته الرسمية على موقع الفيديوهات الشهير "يوتيوب "وهي من ألحانه، ومن كلمات مصطفى حدوته.
"أحلى لحظة لما تشارك حد فرحته "..أحمد جمال يشعل أجواء حفل المنصورة
كلمات أغنية أنا اشتريت
وتقول كلمات الاغنيه
خد قلبي وهات اللي تجيبه
ده كفاية انك تبقى حبيبه
و يابخته يا حظه ويا هناه
اللي انت هتبقي من نصيبه
خد عيني اخطفها وسهرها
ف عنيك الدنيا ومحورها
وطبيعي إن الحاجة الحلوة
بتقع في إيد اللي يقدرها
أنا اشتريت
لا بصراحة أنا حبيت
قلبي اتعملو update ولقيت نفسي معاك
أنا اشتريت
لا ده أنا بيك استكفيت
كنت بدور لفيت ومشيت خطوة خطوة وراك
انت لقطة بجد متتسابش
لو سيبتك اخسر ماكسبش
عيني شايفاك حلو وكامل مع ان الحلو مايكملش
انت فرصة انت متتعوضش
نسخه واحدة انت ماتكررش
اي حاجة عادي ممكن تحصل
بس انت جمالك محصلش
هات حتة من قلبك ليا
هاتها وسيب الباقي ليا
لو كانت حنيتك زايدة
هات حبة أنا محتاج حنية
خد وقتك فكر وارجعلي
ده انا شايفك دايب وواقعلي
عارف قيمتك عمال تتقل
و انا عارف انك جاي تبيعلي
أنا اشتريت
لا ده أنا بيك استكفيت
كنت بدور لفيت ومشيت خطوة خطوة وراك
انت لقطة بجد متتسابش
لو سيبتك اخسر ماكسبش
عيني شايفاك حلو وكامل مع ان الحلو مايكملش
انت فرصة انت متتعوضش
نسخه واحدة انت ماتكررش
أي حاجة عادي ممكن تحصل
بس انت جمالك محصلش.
