تامر حسين: "حقوق المبدع مش مهجوره وانا كسبت قضيتين على الموضوع دا"

حل اليوم الشاعر تامر حسين ضيفا في برنامج حبر سري الذي تقدمه الإعلامية أسما إبراهيم، وتحدث تامر خلال اللقاء عن العديد من الأحداث والأسرار الخاصة بحياته الفنية وعلاقته مع النجوم. 

تامر حسين يرد على سؤال هل حقوق المبدع مهجورة: 

ورد تامر على سؤال الإعلامية أسما حول هدر حقوق المبدع فقال:" مين قال الحقوق مهجورة مفيش الكلام دا انا لسه من فترة كسبت قضيتين على الموضوع دا، منهم قضية ضد شادى شامل، ومعايا نص الحكم صور على الموبايل وكمان تعويض خمسين ألف جنيه".

وتابع:" لكن خلاص القصة خلصت هنا وشادي لما والده توفي اتصلت عزيته والأمور اتصفت بينا، لكن مسبتش حقي واخذته". 

تامر حسين: شيرين موهبة جبارة وهي قوية والجمهور بيحبها: 

وتابع تامر حديثه بالإجابة على سؤال هل شيرين مستحيل ترجع زي ماكانت بموهبتها؟ 

فقال:" شيرين موهبة جبارة وقوية وأزمات شيرين لو حد تاني عاشها مكنش هيقوم ليه قومه، لكن هي قوية والجمهور بيحبها ويلتمس ليها الف عذر، احنا محتاجينها الفترة اللى جاية". 

وأضاف:" وهي بدأت ترجع اهو وتعمل حفلات وحسام كمان بيشجعها جدًا، وشوية شوية شيرين هترجع زي الأول وأحسن". 

تامر حسين: عامر منيب هو وش الخير عليا: 

بنات عامر منيب معايا على السوشيال ميديا، كنت بتابع مع بنته مريم على طول لكن هي حاليًا مخطوبة، وعلاقتي بخالد منيب اول اغنيتين ليه انا اللى عملتهم لكن هو اختفي، وشخص طموح جدًا، ولما اشتغلت معاه كنت شايف فيه عامر منيب تاني، انا شوفت معاه حاجات كتير في الخير ويارب سيرينا تبقي زي سيرته". 

تامر حسين: حماقي صاحبي وليه غلاوة كبيرة عندي 

انا وحماقي أصحاب جدًا اختلفنا في مرة على شغل، لكن ده مأثرش ابدأ على صحوبيتنا، وحماقي كان حريص جدًا ان صداقتنا متتأثرش، وده خلى حماقي يكبر في نظري جدا". 

آخر أعمال تامر حسين: 

ويذكر أن آخر أعمال تامر حسين هى اغنية "كعبك علي" للنجم رامي صبري، والتي تم طرحها اليوم عبر موقع الفيديوهات الشهير اليوتيوب، والأغنية من كلمات تامر حسين، وغناء وإلحان رامي صبري.