عاجل.. مرتضى منصور يهاجم شيكابالا ويعلق على مطالب تقسيط غرامة كهربا
انتقد مرتضى منصور تصرف محمود عبد الرازق شيكابالا قائد الزمالك بعد حديثه عقب مباراة الاتحاد المنستيري التونسي عن وجود مشكلات بالنادي.
تصريحات مرتضى منصور
وقال مرتضى منصور رئيس الزمالك في تصريحات عبر قناته الرسمية على "يوتيوب" بعد إعلانه الخروج من المشهد بالنادي الأبيض: "يا كابتن شيكابالا أنا عارف إنك اتحملت بس مكنش ينفع بعد الماتش في وسط فرحة الجماهير تقول إن عندنا مشاكل، كنت عايزك تكمل وتقول إن المشاكل دي بسبب ممدوح عباس اللي حاجز على الأرصدة".
وأكمل منصور: "أشكر كل اللاعيبين الأبطال، رجالة وواقفين وقفة راجل وهي دي نوعية اللاعيبة اللي جماهير الزمالك عايزاها".
تقسيط غرامة كهربا
وعن إمكانية تقسيط غرامة محمود عبد المنعم كهربا لاعب الأهلي قال مرتضى منصور: "لن أتنازل عن دولار واحد في غرامة كهربا أو أقسط الفلوس اللي هي 2 مليون ونص دولار وآخر معاد بكرا الفلوس لو لم تُسد اللاعب سيتم وقفه".
واختتم رئيس الزمالك المعزول تصريحاته بالقول: "في حال تم دفع غرامة كهربا يبقى النادي دخل له نحو 100 مليون جنيه بالإضافة إلى 100 مليون محجوز عليهم هيفكوا لنا أزمة كبيرة جدا والاعيبة هتاخد مستحقاتها بالإضافة إلى دفع مقدمات عقود الصفقات الجديدة وهم من أحسن اللاعيبة ومن اختيارات أوسوريو".
