مدحت العدل:" احنا بنكتب اللي مؤمنين بيه.. ومحمد رمضان بطل من غير جناحين"
كشف السيناريست مدحت العدل عن رأيه في تجسيد محمد رمضان لبطولة فيلم "ع الزيرو" وذلك خلال تصريحات تلفزيونية له في العرض الخاص للفيلم والذي أقيم مؤخرًا بأحد السينمات الكبرى في منطقة السادس من أكتوبر
مدحت العدل يكشف عن فكرة فيلم ع الزيرو
وتحدث مدحت العدل عن فكرة الفيلم قائلًا: "ببساطة محمد رمضان في الفيلم شبه كل العالم دلوقتي في الطبقات رقيقة الحال اللي أبطال علشان بيعرفوا يعيشوا وبنعمله في إطار لذيذ دون كآبة".
وخلال اللقاء كشف العدل عن رسالة الفيلم، وقال: "البطل مش لازم يبقى طاير بجناحين أو سوبر مان والناس العادية كلها أبطال".
تحدث العدل أيضا عن المنافسة مع محمد هنيدي وأفلام الصيف واوضح إنه ا مهمة حتى يخرج منتج جيد للجمهور قائلا "أهلا وسهلا بالمنافسة وكل ما يكون في منافسة كلنا هنجود علشان نطلع حاجة أحلى للناس"
ما رأي مدحت العدل في تصدر فيلم" ع الزيرو " لقائمة الإيرادات؟
وكشف العدل خلال اللقاء عن رأيه في موضوع تصدر الفيلم لشباك الإيرادات قائلا "احنا بنكتب اللي مؤمنين بيه ومصدقينه وسيبك من الثقة ما لحنا عملنا أفلام منجحتش وكانت بطولة نجوم كبار عادي يعني فالشباك والحاجات دي بتاعت ربنا"
من هم أبطال فيلم ع الزيرو؟
فيلم "ع الزيرو" تأليف الدكتور مدحت العدل، إخراج ماندو العدل، إنتاج جمال العدل، بطولة محمد رمضان، نيللي كريم، جومانا مراد، إسلام إبراهيم، شريف دسوقي، الطفل منذر مهران.
تدور أحداث الفيلم في إطار اجتماعي، حول رجل يعاني نجله من مرض خطير، يحاول إنقاذه، الأمر الذي يتطلب إجرائه عملية كبيرة تتكلف أكثر من مليون جنيه، ليعيش الجمهور معه محاولاته العثور على المال بطرق مختلفة.
