ميدو عن نظام الصعود الجديد للدوري الممتاز: "بتوع طرشي"
علق الإعلامي أحمد حسام ميدو، على نظام اتحاد الكرة الجديد الذي يقضي بصعود فريق من القسم الثالث إلى الدوري الممتاز مباشرة.
تصريحات أحمد حسام ميدو
وقال ميدو في تصريحات تليفزيونية عبر برنامج الريمونتادا على قناة المحور: "نظام الصعود الجديد للدوري الممتاز من خلال التسريبات اللي خارجة، بتقول إن في فرقة من القسم الثالث تصعد للدوري الممتاز على طول، والله الناس اللي برا لو سمعت عن الكلام ده ليقولوا عن اللي شغالين في الكورة في مصر، إنهم بتوع طُرشي مع احترامي لبتوع الطرشي".
وأضاف: "اللي فكر في قرار إن في فرقة من القسم الثالث تصعد مباشرة للدوري الممتاز، عايز يوقع اتحاد الكرة".
واختتم: "لا يمكن أبدا حد بيحبك أو عايز مصلحتك ويديك الفكرة دي، إنت جبت واحد كدة من الإعدادية هدخلك الجامعة على طول ومش هدخلك ثانوية عامة".
