رضا حامد: النقابة لها دور في تشغيل الفنانين.. والسبكية نسيوا رضا حامد ( فيديو)
تحدث الفنان رضا حامد عن قلة الفرص في الوسط الفني مشيرا إلي أنه يسعى للتواصل مع النقابة بشأن العمل مجددا: “مقدرش اقول اني متواصلتش من النقابة تواصلت بس مع اللي ممكن يحس ويفهم مين رضا حامد يعني امبارح بالتحديد لسه مكلم دكتور أشرف زكي، قالي أهلا يا أستاذي أنا درست لأشرف”.
وأضاف خلال حواره مع الإعلامية انجي هشام في برنامج المنسي عبر قناة هي: “قلتلو أنا جراند سهل جدا اشتغل قالي أنا كمان بقيت جراند قلتلوا لا أنا جراند كبير انت جراند صغير، ده اللي ممكن أكلموا بصفته النقيب بتاعنا وإني كنت أستاذه لكن مينفعش بقي اكلم كل واحد”.
تصريحات رضا حامد
وكشف تفاصيل محاولاته للتعاون مع عائلة السبكي: “تواصلت مع السبكية لكن محمد مش موجود هنا دا اللي اشتغلت معاه كتير، وأحمد اشتغلت معاه فيلم واحد كان هائل وكان مبسوط جدا مني وفجأة مع كتر الأعمال اللي بيعملوها نسيوا رضا حامد رغم أنه كان مبهور بيا”.
رضا حامد: النقابة لها دور
وتابع: “أهم شغلانة للنقابة أنهم يوفروا شغل، في فنانين بتعمل ٨ و٩ مسلسلات وفيه فنانين بنفس المستوى مش شغالة طب ليه، النقابة لها دور واللي يقول غير كده جاحد ومعندوش فهم للموضوع”.
