بتوقيع مصطفى ناصر وألحان غريب.. رامي جمال يستعد لطرح أغنية جديدة
يستعد النجم رامي جمال، لطرح أغنية جديدة، وهي من كلمات مصطفى ناصر، ألحان غريب، توزيع إلهامي دهيمة، ومن المقرر طرحها خلال الأيام المقبلة، ويأتي ذلك بعد نجاح أغنيته الأخيرة “حكايتنا منهيه”.
منشور رامي جمال
وشارك رامي جمال جمهوره منذ قليل بمقطع من كلمات الأغنية المقرر طرحها قريبًا، وذلك من خلال حسابه الشخصي على موقع تبادل الصور والفيديوهات "إنستجرام"، حيث نشر صورة جديدة له، وعلق عليها قائلًا: "أنا لسه أهو في مكاني لا عرفت أحب تاني ولا عرفت أنساك.. قريبًا".
ما هي آخر أغاني رامي جمال؟
وفي سياق آخر، طرح النجم رامي جمال، مؤخرًا أغنية "حكايتنا منهية"، التي حقق من خلالها نجاحًا كبيرًا، فقد تصدرت الأغنية تريند "يوتيوب"، منذ طرحها، مُحققًا من خلالها نجاحًا كبيرًا، حيث اقتربت عدد مشاهدات الأغنية لـ 100 ألف مشاهدة.
من هم صناع أغنية "حكايتنا منهية" لـ رامي جمال؟
أغنية "حكايتنا منهية" من كلمات محمد أبو نعمة، توزيع نابلسي، ألحان وإنتاج رامي جمال، تسجيل الغناء إلهامي دهيمة وأحمد حسام، ميكس وماستر خالد سند.
كلمات أغنية "حكايتنا منهية" لـ رامي جمال
فاكر زمان أنا قولت نتْحمّل وأدينا
بإيدينا روحنا لبُعدنا ورضينا بيه
جاي بعد إيه بتقولي تاني نعيد ماضينا
مبقاش خلاص إحساس ما بينا نخاف عليه
فاكر زمان أنا قولت نتْحمّل وأدينا
بإيدينا روحنا لبُعدنا ورضينا بيه
جاي بعد إيه بتقولي تاني نعيد ماضينا
مبقاش خلاص إحساس ما بينا نخاف عليه
أمانة روح وارتاح أنا بقيت مرتاح
ضاعوا خلاص أحلامنا أظن كفاية
كانوا يومين أيام ده لو خير كان
دام دانا هاضيع قدام لو انت معايا
كده فراق خلصان ده ولا وعد اتصان
أنا صحيت والرؤيا بقت وضحالي
أنا خلاص مش ليك لو أنا جيت هأذيك
منا سنين ضحيت ومين ضحالي
أنا وانت خلاص حكايتنا منهية
أديني مشيت وقفلت على الماضي
رجوعك فكرة بالنسبالي ملغية ومن غيرك هعيش عادي
أنا وانت خلاص حكايتنا منهية
أديني مشيت وقفلت على الماضي
رجوعك فكرة بالنسبالي ملغية
ومن غيرك هعيش عادي
أمانة روح وارتاح أنا بقيت مرتاح
ضاعوا خلاص أحلامنا أظن كفاية
كانوا يومين أيام ده لو خير كان دام
دانا هاضيع قدام لو انت معايا
كده فراق خلصان ده ولا وعد اتصان
أنا صحيت والرؤيا بقت وضحالي
أنا خلاص مش ليك لو أنا جيت هأذيك
منا سنين ضحيت ومين ضحالي.
