حمزة نمرة يتصدر يوتيوب بـ"أكيد راجعين" و"عالم كدابة"
يواصل المطرب حمزة نمرة تحقيق نجاحات كبيرة بألبومه الغناني الجديد «رايق»، وفور نزول أحدث أغانيه «عالم كدابة» و«أكيد راجعين»، تّصدرتا التريند، واحتلت الأغنيتين قائمة الأغاني الأكثر استماعًا لمدة أسابيع متتالية عبر يوتيوب والمنصات الغنائية الرقمية.
حمزة نمرة يتصدر تريند يوتيوب بـ 3 أغنيات من ألبوم "رايق"
تصدر المطرب حمزة نمرة تريند يوتيوب الموسيقي بـ 3 أغانٍ جديدة من ألبومه الغنائي «رايق»، حيث جاءت أغنية «عالم كدابة» في المركز الأول، وتليها أغنية «مش سليم» فى المركز الثالث، وحصلت أغنية « أكيد راجعين» على المركز الرابع، وذلك عبر موقع الفيديوهات الشهير «يوتيوب».
أغنية عالم كدابة
تصدرت أغنية «عالم كدابة»، للمطرب حمزة نمرة تريند يوتيوب الموسيقي، واحتلت الأغنية المركز الأول في قائمة الأغاني الأكثر استماعًا وتداولًا فى مصر عبر موقع الفيديوهات الشهير «يوتيوب»، ووصلت إلى 800 ألف مشاهدة خلال يوم، وجاءت الأغنية من كلمات حسام سعيد، ألحان عمرو الشاذلي، وأحمد الشاذلي، توزيع وميكساج عمرو الخضري، جيتار مصطفي نصر، صولو أورج محمود شامي، ربابة أمير سرور، وإنتاج Namira productions.
وتقول بعض كلمات أغنية «عالم كدابة»
شافوا عندي حاجة حلوة حبوا منها يخطفوا
قربوا مني زيادة وطبلولي وسقفوا
ولما أخدوا كل حاجة ومني شبعوا
واكتفوا.. اختفوا.. اختفوا
عيش وملح.. أصول وعشرة كل دول اتبخروا
واللي ياما جريت عشانهم عني هما اتأخروا
ده اللي يلقى واحد أصيل
في الزمان ده يقدّره ويبخّره ويبخّره
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة مين؟
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة وانتم ملاعيين
أغنية أكيد راجعين
حققت أغنية «أكيد راجعين» مشاهدات عالية عبر موقع الفيديوهات الشهير «يوتيوب»، وتخطت الأغنية حاجز الـ 400 ألف مشاهدة خلال يوم، وهي من كلمات محمود فاروق، ألحان وتوزيع وميكساج أندريه مينا، وإنتاج Namira productions.
وتقول بعض كلمات أغنية «أكيد راجعين»:-
زعلان ليه من اللي ساب ولا اللي فجأة اتغيروا
يلي قلبك ازاز والكلمة بتكسروا
مهما يطول الغياب بتقول مصيرهم يظهروا
أصل العزاز عزاز حتى لو قصروا
مساكين والله يا عشمانين على الأمل عايشين
ومع الأسف حاسين بناس وهما مش حاسين
وتروح وتيجي سنين وانتو مستنين
ومفيش جديد ولا خبر جالك
ولسه القلب بيقلك أكيد راجعين
كل اللي حلمت بيه
يا قلبي بقلوب تنصفك
أغنية مش سليم
لاقت أغنية «مش سليم» إعجاب الكثير من الجمهور، وحققت مايقرب من 2 مليون مشاهدة عبر موقع الفيديوهات الشهير «يوتيوب»، والأغنية من كلمات محمود فاروق، ألحان أندريه مينا وحمزة نمرة، توزيع وميكساج أندريه مينا، جيتار وعود حمزة نمرة، تنفيذ وتريات أحمد عاطف.
وتقول بعض كلمات أغنية «مش سليم»:-
جزء كان تعبان وخف
وجزء لسه للأسف
كان زمان عفريت دفنته
بعد فترة رجعلي ألف
مش يا ماضي لسه سايبك
إيه بقى تاني اللي جايبك
كنت ماشي خلاص كويس
مرّة واحدة شريطي سف
تاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ما هو يا انا يا انت الليلادي
تفاصيل عن ألبوم رايق
يقدم نمرة موسيقي مختلفة فى ألبوم «رايق»، وتتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت، ويتضمن الألبوم 13 أغنية وتم إصدار حتي الآن 10 أغنيات منهم، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».
وأطلق حمزة نمرة مؤخرًا الأغنية الرئيسية للألبوم بعنوان «رايق»، وحققت الأغنية نجاحًا كبيرًا واحتلت قائمة الأغاني الأكثر استماعًا على اليوتيوب ومنصات الموسيقي، وتم تصوير فيديو كليب أغنية «رايق» في اليونان تحت إدارة المخرج مصطفى الصولي، والأغنية من كلمات الشاعر محمود فاروق، ألحان أندريه مينا وحمزة نمرة، وتوزيع وميكساج أندريه مينا.
وحقق نمرة نجاحًا كبيرًا برابع أغنيات الألبوم «رياح الحياة»، ووصلت الأغنية لـ 8 مليون ونصف مشاهدة عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.
حفلات حمزة نمرة القادمة
والجدير بالذكر أن الفنان حمزة نمرة يستعد لأحياء حفلًا غنائيًا بالعاصمة الأمريكية واشنطن يوم 8 سبتمبر، ثم ديربورن بولاية ميشيغان الأمريكية، قبل أن يتجه إلى أوروبا ليحيي حفلًا في باريس يوم 15 سبتمبر وحفل آخر بمدينة مالو بالسويد يوم 17 سبتمبر.
