عمرو أديب للمرشحين المحتملين: عشان تبقى رئيس مصر.. هتقدر تجيب التوكيلات ولا لأ؟
وجه الإعلامي عمرو أديب، تساؤلًا للمرشحين المحتملين حول قدرتهم على جمع 25 ألف توكيل من الـ11 محافظة، بحد أدنى ألف توكيل من كل محافظة.
عشان تبقى رئيس مصر
وقال الإعلامي عمرو أديب، خلال مقدمة برنامجه "الحكاية"، المذاع عبر فضائية "ام بي سي مصر"، مساء اليوم الإثنين، إنه "أنا بسترعي انتباهك لحاجة بسيطة.. عشان تبقى رئيس مصر قدامك شهر ونص، وأي رئيس نادي قدامه وقت أكتر".
مدة شهرين
وأضاف: "في واقع الأمر عندك شهر ونص وبالكتير قوي شهرين علشان تقدم برنامجك وتعمل كل حاجة".
أزمة الحركة المدنية
وأشار أديب، إلى البيان الذي صدرته المعارضة المدنية أمس، والحركة المدنية التي تضم "فريد زهران وأحمد طنطاوي وجميلة إسماعيل"، وقالوا إنهم احتمال يوافقوا على شخص واحد، ويكون للآخرين حق الترشح من عدمه.
وأعرب أديب عن دهشته من موقف الحركة المدنية، قائلًا: "يا نهار أبيض انتوا لسه هتفكروا، مين اللي يترشح؟!".
