الرئيس السيسي: الجيش المصري انتصر في أكتوبر بالفكر والتخطيط والتدريب والعزيمة

أكد الرئيس عبد الفتاح السيسي، على ما حققته حرب أكتوبر من انتصار عظيم، قائلًا إن "المعارك كلها التي تمت في فترة الحرب، وتآكل سلاح الطيران الإسرائيلي في المعركة، وبمفردات القوة التي كانت موجودة والتي كانت هي في هذا الوقت لصالح إسرائيل، تمكن الجيش المصري بالفكر والتخطيط والتدريب والعزيمة والروح المعنوية إنه يحقق الانتصار".

وأضاف الرئيس السيسي، خلال كلمة بالندوة التثقيفية للقوات المسلحة بمناسبة انتصارات أكتوبر، والتي تبثها القنوات على الهواء مباشرة: "احنا بنحكي ازاي نفهم الحكاية.. لما يجي النهاردة كيسينجر يقول لي في مذكراته أنه كان القرار عدم السماح بهزيمة السلاح الغربي يعني القرار على المستوى القوتين كان في حاجة بتأثر علينا بتأثر علينا تأثير كبير جدًا".

وتابع الرئيس السيسي: "وبالتالي بقول للكل أن علينا دور ودور نعمله، والحق دايمًا محدش يقدر يتغلب عليه، والصدق دايمًا محدش يقدر يتغلب عليه".

واستطرد الرئيس موجهًا حديثه للمصريين: "عايزين دايمًا واحنا بنتكلم تعرفوا الحكاية، وما ينفعش انك أنت ترد عليها بعنوان تسمعه أو مقولة تتردد، لأن لازم تسمع وتقرأ كويس لأنها بلدك.. إذا كنت أنت مهتم وعايز تعرف الحكاية ايه".