على طريقة "إبراهيم الأبيض".. مشهد سنيمائي يتكرر في شارع بهتيم بالقليوبية (فيديو)
سنج ومجموعة من الشباب العاري، حالة من الذعر شاهدها شارع بهتيم بشبرا الخيمة، كانت نهايتها وفاة شخصين وإصابة اتنين آخرين.
وبمجرد أن وصلت محررة "الفجر" لمكان الواقعة، سمعت الكل يتحدث عن ما شهده في هذه الليلة، كانت بدايتها معاكسة فتاة وطفل صغير، فتقدمت عدسة "الفجر" للتصوير وسماع أقوال شهود العيان لكشف التفاصيل كاملة.
مشوفتش اللي حصل، انا اخذت زباين المحل والشباب ودخلنا جوه وقفلنا البيبان، وده بعد اما شوفنا مجموعة من الشباب بيجروا علي محل الشيخ عبدالله وفي أيديهم سكاكين وناويين علي القتل، خوفنا ودخلنا المحل" هكذا تحدث صاحب محل ملابس أطفال لموقع" الفجر" عن ماشهده في هذه الليلة.
ولاستكمال التفاصيل، تحدث إلينا "عم محمد" صاحب محل ملابس وشاهد علي الواقعة " البداية كانت بطفل صغير واقف بيشتري كوتشي خبط بنت كانت بتشتري من محل آخر، ومحدش من الطرفين يعرفها، فابن الشيخ عبدالله قاله اعتبرها زي أختك، لكن الولد اتحمق على الكلمة واتخانقوا مع بعض".
وقال عم محمد: “بعديها لاقينا مجموعة من الشباب داخلين الشارع وماسكين سنج وشومة وعارين ودهنين جسمهم زيت ولافين حولين اديهم قماش، وكان واقف في المحل ابن الشيخ عبدالله وأما أبوه شاف المنظر ده، ضرب نار في الجو، لكن هما قربوا علي المحل وكانوا ناويين على القتل”.
وأشار: "الشيخ ضرب النار على اتنين وماتوا في الحال، واتنين تانين واحد اخد رصاصة في بوقه والتاني في ايده، وهما دلوقتي في المستشفى".
وأكد صاحب محل الجينز: المنظر كان مرعب وهما داخلين المنطقة، محدش قدر يقف قدامهم ولا يتكلم معاهم، الكل دخل المحلات وقفلوا عليهم البيبان، عشان مكنوش جايين يسمعوا لا كانوا عارفين هيعملوا ايه".
وذكر "عم محمد": الطرفين ميعرفوش بعض ومفيش مشاكل مابينهم، ده كان أول خلاف يحصل معاهم، والشيخ عبدالله دايما بيأذن للصلاة، وبصلي ورا في المسجد، ومتوقعتش إن ده يحصل، بس هو كان بيدافع عن نفسه".
تحدثنا مع صاحب محل كاوتش سيارات، وقال إن الشيخ عبدالله أمام مسجد وحافظ لكتاب الله، رجل محترم ومحدش بيسمع عنه حاجه وحشة، لكن اللي حصل إن ابنه دافع عن بنت ميعرفهاش بعد أما خبطها طفل صغير هو سبب المشكلة، بعديها أهله جم عشان يتخانقوا مع الشيخ عبدالله".
وواصل "أهل الطفل معروفين عنهم أنهم عربجية وبيسمعوش حد، كل اللي يعرفوه إنهم بينفذوا اللي عايزنه، ناس صعبة التعامل والكل بيبعد عنهم".
البداية كانت بتلقى قسم شرطة ثان شبرا الخيمة بمديرية أمن القليوبية بلاغا بحدوث مشاجرة بأحد الشوارع بدائرة القسم ووجود متوفين ومصابين.
و بالانتقال والفحص تبين حدوث مشاجرة بين طرف أول (4 أشخاص، مصابين برش خرطوش ووفاة إثنين منهم إثر إصابتهما) طرف ثان (مالك محل أحذية ونجليه) "جميعهم مقيمين بدائرة القسم" لخلافات بينهم، تطورت لمشاجرة قام خلالها أحد أفراد الطرف الثانى بإطلاق أعيرة نارية من بندقية خرطوش تجاه الطرف الأول مما أدى لحدوث الإصابات المُشار إليها التى أودت بحياة إثنين منهم.
وعقب تقنين الإجراءات تمكن قطاع الأمن العام بالاشتراك مع مديرية أمن القليوبية من ضبط الطرف الثانى وبحوزتهم السلاح المستخدم (بندقية خرطوش وطلقتين).
صرحت جهات التحقيق بشبرا الخيمة بمحافظة القليوبية، بدفن جثتى شخصين، لقيا مصرعهما على يد صاحب محل أحذية بدائرة قسم شرطة ثان شبرا الخيمة، أثناء قيام المجنى عليهما معاكسة فتاة كانت تسير أمام المحل نشبت مشاجرة بينهما مع المتهم قام على إثرها بإطلاق أعيرة نارية أودت بحياتهما.
كما طلبت جهات التحقيق ملابسات الواقعة، وسؤال أهلية المتوفيان وانتداب الطب الشرعى لتشريح الجثث، وحبس المتهمين 4 أيام على ذمة التحقيقات.
وبمواجهتهم اعترفوا بارتكابهم الواقعة وتم اتخاذ الإجراءات القانونية.
