الأسطى "أم آلاء" تعمل في مهنة النقاشة لأكثر من 16 عامًا.. والقرموطي: "ايد شقيانة وعمرانة"
عرض الإعلامي جابر القرموطي، تقريرًا مع الأسطى "أم آلاء" التي تعمل في مهنة النقاشة لأكثر من 16 عامًا.
وقالت "أم آلاء" في حوارها ببرنامجه "مانشيت" المذاع على فضائية "سي بي سي" مساء اليوم الجمعة، "أنا معايا دبلوم صنايع قسم كهرباء وكان المفروض أكمل كلية هندسة، ولكن أنا معايا أربعة أولاد ملهمش حد غيري ربنا وأنا من بعده".
وأضافت "أنا اتبهدلت لغاية ما وصلت لهذه المرحلة وبدأت مهنة النقاشة من أول الصنفرة، وأنا من صغري بحب اقلب الألوان مع بعض اللي يشوف شغلي يعرف أن ده شغلي وأنا فاتحة بيوت ناس وفيه ناس شغالة كتير معايا".
تعليق جابر القرموطي
وتابعت أنا واقفة زي زيهم في الشغل، ونفسي يبقى معايا بيت ونفسي احج وقبل ده كله نفسي أكون مستورة"، ليعلق الإعلامي جابر القرموطي "بعد اذنكم هنقف عند محطة أم آلاء سيدة قمة الأداء ايد شقيانة وعمرانة".
وتابع القرموطي "محتاجين نقف أمام نموذج هذه السيدة المحترمة الست مش رفاهية الست مسؤولية، لازم نقول تحيا الست المصرية وتعيش الست المصرية يا جمال الست المصرية".
