شقيقة محمد صلاح: "قولتله بطل كرة بعد هذا الموقف"
كشفت مصممة الأزياء، رباب صلاح، شقيقة لاعب المنتخب الوطني وليفربول الإنجليزي محمد صلاح، عن تفاصيل طلبها لشقيقها باعتزال كرة القدم.
وقالت "رباب صلاح" في حوارها مع الإعلامية مفيدة شيحة ببرنامج "الستات" المذاع على فضائية "النهار" اليوم الجمعة "لما صلاح اتصاب قولتله بطل كرة، الإصابة اللي وقع فيها على دماغه".
الأخت الكبيرة
وأضافت "أنا أختهم الكبيرة، وبعدي محمد ويعدين نصر وهما مبيسمعوش كلامي وأنا كنت بحب التاريخ أكتر ومبحبش العلوم ولا العربي".
وتابعت "محمد ونصر كانوا على الله حكايتهم مكنوش ناس بتقعد للكتاب وتقدر المذاكرة، محمد من صغره وهو بيسافر من هو في ابتدائي يلعب من الصبح لحد الساعة 11 بالليل".
واستطردت "نصر كمان شاطر في كرة القدم ولكن أمي لم تسمح له، ومبقتش بتابع الهجوم على صلاح أو انتقاده لأن كده كده محدش هيتفق عليه كلنا عارفين أن ده طبيعي في طريقه ومشواره في الكرة".
