عاجل| أول تعليق من أحمد العوضي بشأن حالته الصحية وسؤال ياسمين عبد العزيز عنه
كشف الفنان أحمد العوضي، آخر مستجدات الحالة الصحية بعد الوعكة الصحية الأخيرة الذي تعرض لها خلال الفترة الأخيرة.
وقال "العوضي" في اتصال هاتفي مع الإعلامي شريف عامر ببرنامج "يحدث في مصر" المذاع على فضائية "إم بي سي مصر" مساء اليوم الأربعاء، "الكلام اللي اتقال كان كتير هو اهتمام بالحالة الصحية، أنا كنت بصور طول الوقت وبطلع من التصوير على التمرين والعكس".
سؤال ياسمين عبد العزيز عن حالته الصحية
وأضاف "جالي دو برد وأهملت فيه وأنا اتعافيت على نفسي لغاية ما حصلي ارتفاع في درجة الحرارة ورعشة وروحت للدكتور وقالي لازم أتحجز أربع أيام في المستشفى علشان الإهمال اللي بعمله ودخلت واتحجزت وأنا هخرج بكرة إن شاء الله".
وتابع "أنا وياسمين حالة خاصة والعالم كله كان معانا حتى أعلنا انفصالنا بشكل رسمي، وأول ما ياسمين سمعت أن أحمد تعب في التصوير كلمتني وكانت أول واحدة قولتلها، أنا روحت المستشفى وقعدت معايا وكانت كل يوم معايا وده مش جديد عليها وهي ست أصيلة وفي بينا احترام وأصل وأنا كنت مستنيه وكل اللي بيتقال عنا أنا بفسره حب حتى لو كان غلط".
