السيسي لطفلة من ذوي الهمم: "يوم القيامة قولي لربنا هاتوا معانا الجنة" (فيديو)
طلب الرئيس عبد الفتاح السيسي، الطفلة روضة وليد، من ذوي الهمم، بعد إلقاءها قصيدة بعنوان "محدش فينا اختار ملامح شكله"، أن يتوجه لمصافحتها، قائلًا: "ليا عندك طلبين، الطلب الأول أن أجي أسلم عليكي"، لترد الطفلة روضة: "اتفضل آه طبعا".
وأضاف الرئيس السيسي، خلال كلمته على هامش احتفالية "قادرون باختلاف" في نسختها الخامسة، اليوم الأربعاء، للطفلة الروضة: "الطلب الثاني أنك يوم القيامة تقولي له هاتوا معانا الجنة".
وأردف الرئيس: "مش بتقولي إنه سبحانه وتعالى هو اللي خلقنا بأيديه، وقعدتي تقولي أنا جميلة وكمان هو جميل، ربنا جميل أوي يا روضة، عشان كده يوم القيامة، أنتي هتعاهدني قدام الدنيا كلها، هتقولي له يارب هاتوا معانا، ممكن"، وتوجه لمصافحتها وتقبيل يدها ورأسها.
