حلا شيحة تكشف سر ضرب والدها لها لأول مرة.. فما السبب؟
حلت الفنانة حلا شيحة ضيفة على برنامج “ع المسرح” التي تقدمة الإعلامية مني عبد الوهاب عبر شاشة الحياة وCBC، طوال أيام شهر رمضان 2024.
وتحدثت حلا شيحة ضرب والدها لها لأول مرة معلقة: "أبويا ضربني مرة واحدة بس في حياتي، رغم إنه حنين جدا وطيب للغاية".
وتابعت: "جيت في مرة وكنا عايشين في العجمي كنا عايزين نخرج كلنا وبابا مكنش راضي فعملنا اتفاق اننا هنروح المشوار اللي هنروحه من غير ما هو يعرف بس نرجع بدري، بس المشكلة بقى اننا اتأخرنا وطبعا لما رجعنا سألني انتوا كنتوا فين؟ فقلت له كنا هنا جنب البيت، قاللي لأ انا عارف انكوا كنتوا في المكان ده فسكت طبعا".
وأضافت: "هنا شيحة أختي أول واحدة جريت من قدام بابا بعد ما اكتشف اننا خرجنا دون إذنه، في الآخر زعق معايا أنا وأخدت قلم منه ودي المرة الوحيدة اللي في حياته اللي مد ايده عليا وضربني غير كده مضربنيش تاني وهذا أول عقاب ليا في حياتي".
وأستكملت حديثها قائلة: "الحاجة الوحيدة اللي كانت مضايقة بابا مني الكذب، وأنا بطبعي كبرت ومش بحب اكذب واللي حساه بقوله وبعمله ومعنديش حتة اني اعرف اكذب، ومبعرفش أخفي حاجة لإن بيظهر علي وشي علطول إني هكذب".
