المخرج أيمن مكرم يكشف حقيقة خلاف الفيشاوي مع زملاؤه في "بنقدر ظروفك"

كشف المخرج أيمن مكرم سبب إنجذابة لإخراج فيلم "بنقدر ظروفك"، هو الكوميديا الموجودة بأحداث العمل، كونه قدم أخر عملين من نوعية التراجيديا فأحب التغيير،وذلك خلال مداخلة هاتفية في برنامج “تفاصيل” التي تقدمها الإعلامية نهال طايل، عبر شاشة صدي البلد.

وأضاف أيمن مكرم: "الإسم شدني جدا وهو بنقدر ظروفك سواء من حد قريبه أو صاحبه وكمان موضوع خفيف وبيلمس الناس وبيدور حول شاب من حارة شعبية وإسم الفيلم على مسمى وجمهور السينما محتاج كوميديا في وقتنا الحالي".

وأوضح "مكرم"، إلى أن الكوميديا موجودة بالسينمات أكثر من الأكشن، ومنذ 12 عام كان هناك مجموعة من الكوميديانات مثل الفنان محمد هنيدي ومحمد سعد والراحل علاء ولي الدين

وعن خلاف الفنان أحمد الفيشاوي مع زملاؤه الفنانين في أي عمل يشارك فيه، قال أيمن مكرم: "معرفش هل الكلام ده بيحصل علشان هو بيشتغل معايا ولا مع ناس تانية.. الفيشاوي تاني فيلم بنعمله مع بعض وعلاقتنا كويسة مع بعض وأنا لم أعاني معاه وهو ملتزم وبييجي قبل ميعاد تصويره بساعة علشان يعمل ميكب ونخفي التاتوهات اللي في جسمه وده شيء عاديء وبياخد وقت بشكل منظم".