"ساندي : "لما بيسمعوني مهرجانات في الشغل ببقى عاوزة أعيط
قالت الفنانة ساندي، إنّ فرص عمل نجوم الغناء تقلّصت بشكل كبير، مرجعة السبب إلى انتشار أغاني المهرجانات وتصدرها الساحة الغنائية، ما اضطرها للابتعاد عن الغناء والعمل في مجال الديكور والدعاية والإعلان.
وتابعت ساندي: "خلينا نعترف إن الفنانين اللي بجد بقى سعرهم أعلى من الناس التانية، فبقينا حِمل على أي متعهدي حفلات، اللي بقوا يستعينوا بالمهرجانات لأنها أرخص، عشان كده حفلات الساحل كلها كانت عبارة عن مهرجانات وراقصات، وأنا مقدرش أعمل كده خالص".
وأضافت: "أنا مش أراجوز ولا هجاري الوضع أو أمشي حسب الرائح.. إحنا في النهاية فنانين، اللي هحسه أقوله".
وأكملت ساندي: «اتجهت للديكور والدعاية والإعلان من سنتين تقريبًا، وبقيت أقف مع العمال وأشطب بنفسي، عشان مدخلش مجال المهرجانات".
وفي نهاية حديثها:" سوق الغناء مش هيجبرني عشان أغني حاجة أنا مش مقتنعة بيها عشان أشتغل، أنا مش ماريونيت، ومش هجاري الوضع"، مضيفةً:" لما بيسمعوني مهرجانات في الشغل ببقى عاوزة أعيط".
ويذكر أن الفنانة ساندي، طرحت أغنية جديدة قبل أسابيع باسم «رسالة منك»، عبر قناتها الرسمية على يوتيوب، وحققت مليون مشاهدة حتى الآن، وهي من كلمات وألحان ماجد الشرقاوي، توزيع كريم عبدالوهاب.