لميس الحديدي عن بيع قصر الأمير يوسف كمال: "بنبيع تاريخنا في مزاد علني"

عقبت الإعلامية لميس الحديدي، على  إعلان عن مزاد علني، لبيع قصر وحديقة الأمير يوسف كمال في منطقة المريس بأرمنت بمحافظة الأقصر يوم 31 يناير المقبل.

 وقالت "الحديدي"،  خلال تقديمه برنامج "كلمة أخيرة"، المذاع على فضائية "on"، مساء الإثنين: "الناس  والعالم كله بيدور  على تاريخ، وإحنا مش عارفين  نعمل إيه في التاريخ والاثار بتاعتنا .. قصر  المريس بأرمنت معروض للبيع في مزاد، مش عارفة هنبيع القصر ده نعمل بيه  إيه،  هنبيعه مثلًا ونبني مكانه عمارة، ولا هنبيعه نعمل  بداله إيه، وكفاية إلى حصل لقصر أندراوس والحزن اللي حصل لأهالي الأقصر".

 وأضافت: "بنتكلم    في قصر  تاني هيبتاع، ومش فاهمين هنبيعه ولا نأجره ولا هنعمله أكشاك، اللي معندوش تاريخ   بيشتري  تاريخ، وإحنا عندنا التاريخ وبنعرضه في المزاد.. قصة غريبة جدًا". 

 هذا وأثار مزاد أعلن عنه لبيع قصر وحديقة الأمير يوسف كمال في منطقة المريس بأرمنت بمحافظة الأقصر يوم 31 يناير المقبل، جدلا بين محبي الآثار والتراث، حيث إن المزاد سيقام في القاهرة.