شاهد.. أديب يكشف لأول مرة اعترافات مثيرة للمتهم بقتل "نيرة أشرف"

كشف الإعلامي عمرو أديب، لأول مرة اعترافات محمد عادل المتهم بقتل طالبة المنصورة نيرة أشرف والذي أثبت من خلاله عقده النية أكثر من مرة لقتلها.

وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الجمعة: "شوية من اعترافات الشاب اللي قتل نيرة علشان نعرف الشاب ازاي ده كان عايز ايه وأنه كان ناوي يقتلها في رمضان الماضي ده عقله عامل ازاي".

اقرأ أيضًا:

"اعدموني وادفنوني في حضنها".. حقيقة اعترافات المتهم بقتل "نيرة أشرف"

اخترت السكين علشان أنا طباخ

وأضاف "المتهم قال في اعترافاته أنا فكرت إني اخلص عليها في ثالث يوم امتحان ليها وهنفذ قتلها بسكينة من أول جملة وهذا يثبت أنه كان عاقد النية على قتلها مع سبق الإصرار والترصد، وعندما سألته النيابة عن سبب اختياره للسكين لقتلها قال علشان ده اللي يناسبني وأنا شغال طباخ وبعرف استخدام السكاكين كويس".

وتابع "عندما سألته النيابة عن سبب اختيار السكينة أنا عارف السكينة الحامية ممكن تدبح وأنا بستخدمها كويس لأن ده شغلي وعارف أن الأماكن التي تقتل هي الرقبة والصدر من ناحية القلب والفخذ والطعن بالسلاح وقمت بشرائه بعد أول يوم امتحان بأسبوع وكان في 26 مايو واشتريته أنا في 1 يونيو".

سنيت السكين وحفظته في جرابه

واستطرد "كان معايا سلاح سكين ومسنون وحفظت عليه في جرابه علشان يكون سنه حاد يساعدني في التنفيذ، وأنا كان لازم اخلص ومخلهاش على وش الدنيا ركبت الأتوبيس في اليوم الثالث من الامتحان ولقيتها قاعدة مع زملائها واخلص منها وهي نازلة من الباص كانت سبقاني بشوية اروح اخلص".

مردتش أخلص عليها في أول أيام الامتحان عشان اطمنها 

وأردف "المتهم قال أول ما قربت طلعت السكينة من الجراب وشفيت غليلي وفي ناس قربت مني وهوشتهم بالسكينة علشان محدش يقدر يخلصها مني وبعد ما خلصت ساعاتها قرب مني واحد ومسكني، مقدرتش أخلص عليها في أول يوم من الامتحانات علشان كنت خايف يكون معاها حد من أصحابها أو عائلتها وهي كانت عارفة إني مش هسكت فقولت أطمنها ومتمكنتش منها في نفس اليوم واتعرفت عليها في أيام امتحانات 2020".