عمرو أديب يوجه رسالة قاسية للشككين في نصر 73
عقب الإعلامي عمرو أديب، على الجدل الذي يثار بشأن التشكيك في انتصار حرب أكتوبر، قائلا: "مشفتش دولة في العالم بتعشق ترمي عليها التراب زينا، كل سنة زي دلوقتي ندخل في حوار غبي".
رسالة قاسية إلى المشككين في انتصار أكتوبر
وأشار أديب، خلال برنامج "الحكاية" المذاع عبر فضائية "إم بي سي مصر"، مساء الجمعة، "إيه اللي انتم بتعملوه ده، الجيل الجديد مفيش حاجة ندهاله حتى معندناش انتصارات في الكرة"، مضيفا: "إحنا عبرنا وهدينا الساتر الترابي.. الحاجات دي مفيهاش شك، وقتها مكنش في فوتوشوب".
وأضاف، "وقت الانتصار بترموا تراب، انتم ليه بتعملوا كده، الناس دي كانوا محتلين تلت مصر، وجه راجل حط روحه إيده والناس عبرت وحققنا النصر.. واللي بيفرح في حالة التشكيك دي هو الإسرائيلي لأن الضربة لسه عاملة عنده وأو ا وتسلخات والتهابات"، منوها بأن الرئيس الراحل السادات رد لنا أرضنا غير منقوصة.
وتابع، "احترموا الناس اللي استشهدت، واحترموا الضباط والقادة، واحترموا تاريخكم"، مؤكدا أن الرئيس الراحل السادات سلك مشوار طويل حتى استرد الأرض، واصفا إياه بـ البطل، متسائلا: "ماذا استفدتم من التشكيك في انتصار أكتوبر"، معلقا: "الله يرحمهم بقا اللي زرعوا فينا السوسة دي.. أمال لو كنا اهزمنا فعلا كنتم عملتهم إيه، كنتم هتفوا في وشنا".
وأكد أن أصعب تفاوض هو التفاوض مع الإسرائليين، ولكن مصر استطاعت ان تسترد أرضها غير منقوصة، مضيفا: “مش قادر أفهم ايه كمية الانهزامية الموجودة دي، افخروا باللي حققناه"، متابعا: “روح أكتوبر غير موجودة إحنا خنقنا روح أكتوبر"، ماشفا أنه كان في أحد الاختبارات وسأل إحدى المتقدمات “حرب أكتوبر 73 كانت سنة كان”، وكان ردها: “معرفش"، معتبرا أن هناك تقصير في شرح الانتصار.
واستطرد: “إحنا حاربنا بطايرات غلبانة، وكنا بنحارب بمدفع من الحرب العالمية الثانية.. والنتيجة مصر حرة مستقلة"، مضيفا: “عايز تشوه الجيش شوه حرب أكتوبر”، لافتا إلى أن كان في الصف الرابع الإبتدائي عند تحقيق نصر أكتوبر وكان يسكن في شارع شريف وكان جاره سعودي الجنسية، وعند إعلان انتصار مصر، قال له جاره: “يا عمرو أنتم عبرتم يا عمرو، معرفش سنة 2040 هيكون في احتفال بانتصار أكتوبر ولا لاء، خايف أقولهم في 2040 فين فيلم الرصاصة لا تزال في جيبي يقولوا خلاص شلناه".