هاشتاج "#الحرية _لياسمين_النرش" يشعل تويتر
تصدر هاشتاج "#الحرية_لياسمين_النرش"، موقع التواصل الاجتماعى "تويتر"، كأكثر الهاشتاجات تداولًا، بعد الفيديو الذى تداولته المواقع الإخبارية ويظهر تعدي ياسمين محيي الدين النرش، على ضابط شرطة بمطار القاهرة أمس.
وجاءت معظم تعليقات المستخدمين ساخرة من مطلقى "الهاشتاج" حيث قال أحد المستخدمين: هما اللي مطلعين الهاش تاج ده بيتكلموا بجد ؟! بتهرجوا صح ؟!
وعلق مصرى وأفتخر: " كل العاملين بالغردقة عاملين اضراب بسبب القبض علي ياسمين النرش وبيهتفوا ولا يوم من ايامك يا طاهرة"
وعلقت دعاء سليط على الهشتاج قائلة: " شلح واجري في الظلام" ، بينما قال محمد رمضان:" دي كانت هتقلع ملط يا جماعه هما استعجلو ليه سيبوا ياسمين تقلع"
بينما أنتقد عدد أخر موقف الداخلية مؤكدين أن الموضوع يكتنفه الغموض حيث قال الشيخ سايكو:" لو كان ضربها كانوا قالوا داخلية بلطجية يتأدب و يحترم نفسه يقوله اه ماهي بنت ناس و مايقدرش يكلمها شباب مريض نفسي".
وعلقت مايا: " يا تعيش موطي راسك يا تموت ياسمين النرش" ، وقال وحيد فى الكون: اللي عمل هاشتاج بيدافع عنها عشان ضربت الظابط ولا عشان شتمته ولا عشان قلعت في المطار ولا عشان المخدرات.
وقال مو: فيه حاجة مش مظبوطه فى الموضوع وطالما الداخليه طرف يبقي اكيد في قله ادب من عندهم كالعاده
