‫صلاح عبدالله يكتب: ‏حالة ارتباك حلمنتيشى

 ارتباك

عايشين فى حالة ارتباك

اللى هنا راااااح هنااااك

والمهاجم بقى باك

والتوك شو بقى شوك شو

عمَّال يشعلل الإشتبااااااك

واللى هَوهَو فجأه نَونَو

واللى نهَّق فجأه صَوصَو

واللى كان دايماً معاك

بقى ضدك وعاداااااك

واللى باعك .. إشتراااااك

والشيطان أصبح ملاك

والعكس برضو صحيح يا ذاك

يا ذاك الفصيح..يا ذاك الصريح

العكس برضو أكيد صحيح

ولا إيه رأيك يا بيه ؟! .. هستناك