زوجة مالك عدلي: "اللي بيحصله دا برة القانون ولوائح السجن"

وكتبت أسماء علي، تدوينة - على حسابها بموقع التواصل الاجتماعي "فيسبوك"، اليوم الأحد - "شفنا مالك إمبارح ، جميل ومبهج وقوي وصامد رغم كل شئ... باعت سلامات ومحبة كتير لكل اللي بيسأل عليه".

وتابعت: "اتبسط جدا لما طمنته على وضع قضية تيران وصنافير، الموقف جوا زنزانته ما اتغيرش نهائي رغم كل الشكاوى والبيانات والتحركات حقيقي وضع في منتهي البؤس، انهاردة اليوم 38 لمالك في زنزانة انفرادي اتنين في تلاتة متر مفيهاش غير فتحة سقف بعيدة مبتخدلش شمس تقريبًا، زنزانة مفيهاش غير بطانيتين، مبينامش تقريبًا من كتر الآلام جسمه من النوم ع الأرض فشلنا ندخله سرير على حسابنا أو حتى مرتبة".

وأضافت: "مفيش تريض نهائي يعني مالك مبيخرجش من زنزانته.. مبيشوفش الشمس نهائي غير ساعة الزيارة أو لو عنده جلسة، بدأ يطلب ركبة مثلًا من اللي بتباع في الصيدليات دي ولزقة ضهر وحاجات بالشكل دا، اللي بيحصل لمالك دا بره القانون ولوائح السجن وكل حاجة".