أسامة كمال عن مصادرة 12 ألف دراجة بخارية غير مرخصة: "دخلوا مصر امتا"
عقب الإعلامي أسامة كمال، على ما ذكرته الإدارة العامة للمرور بأن هناك 12 ألف دراجة بخارية غير مرخصة أعلى الطريق السريع قائلًا: "الموتسيكلات دي طلعت امتى؟ مين استوردها ومين جمركها ومين دخلها ومين باعها ومين سابها، صحيح الموتسيكلات اتوقف استيرادها في مصر بس بعد خراب مالطة وبعد ما المستورد عرف بالقرار قبل ما يصدر بأيام فتح خطاب اعتماد بمئات الآلاف من الموتسيكلات أم 3 آلاف جنيه".
وتسائل "كمال"، ببرنامج "القاهرة 360"، عبر فضائية "القاهرة والناس"، اليوم السبت: "12244موتوسيكل اتمسكوا في أد إيه؟ أسبوع مثلا؟ يعني لو كنا اشتغلنا عليهم سنة كانوا بقوا كام؟ أمال هم أصلا كام؟ طب الموتسيكلات بتتصادر وللا غرامة 50 جنيه وروح يابني؟ الانضباط المروري مش حملة، الانضباط المروري يجب أن يكون مستمر"، مؤكدًا أن هذه الظاهرة خطيئة وزارة الداخلية والجمارك والمحافظين والمحليات والمواطنين.
وأكد الإعلامي على احترامه لدور رجال الشرطة والجيش فى حماية الوطن حيث قال: "ضابط الشرطة اللي بينزل مأمورية ومايعرفش هيرجع منها ولا لأ زي ضابط الجيش اللي في سينا ولا على الحدود الغربية".
