بعد تجربة حقيقة .. عاصم درويش: 6300000 جنيه .. تكلفة إقامة وزير التموين بـ"سميراميس"
صرح الكاتب والمفكر عاصم درويش، بأنه اجرى تجربة عملية لحجز غرفة في فندق سميراميس، والذ يقطن به وزير التموين، للتحقق من أسعار الغرف والتكلفة النهائية لمدة إقامة وزير التموين هناك.
وقال "درويش"، في تدوينة بموقع التواصل
الاجتماعي فيس بوك: "انا دخلت بوكينج أشوف أسعار فندق سميراميس اللي مقيم فيه
وزير التموين خالد حنفي، لقيت إن الغرفة شاملة فطار بس، تتراوح أسعارها مابين
1500-2000 جنيه في الليلة، ولو الوزير حجز غرفتين له وحراسته يبقى متوسط الحجز يوميا
3000-4000".
وأضاف: "وده لما نضربه في 30 شهر (900 ليلة)
يطلع مابين 2,700,000 جنيه - 3,600,000 جنيه، أما لو كان واخد جناح زي ما يقال فاسعاره
متوسطها 5500 جنيه في الليلة، ولو الوزير حجز جناح له وغرفة حراسة (1500 جنيه) فدا
معناه انه كان بيدفع 7000 جنيه تقريبا".
وتابع: "ودا لمانضربه في 900 ليلة (30 شهر)
يطلع 6300000، ومدة الإقامة ذكرها الوزير في تصريحاته هاتفية على قناة صدى البلد مع
أحمد موسى، والوزير قال إنه مكنش قادر يشتري شقة فاضطر يقيم في فندق، ومحسبتش غرفة
السكرتارية زي ما ذكر مصطفى بكري".
واستطرد: "الوزير بيقول انها فلوسه وهو
حر فيها وقال ان المبلغ عدة الاف مش اكتر من كدة، والحكومة حاليا بتطالب المواطنين
بالتقشف وشد الحزام والوزير بتاع الدعم حاجز في فندق 5 نجوم على الكورنيش في وسط القاهرة".
