"متصلة" تحرج علي جمعة على الهواء.. والأخير: "فهمتيني غلط"
وضعت متصلة تُدعى نهلة، الدكتور علي جمعة، مفتي الديار المصرية السابق في موقف محرج على الهواء، قائلة مخاطبة "جمعة": "أنت بتقول اللى معاه فلوس ومش بيحج قليل الأدب، إيه رأي حضرتك في اللى معاه فلوس وبيقدم في القرعة ومش بيحصل على فرصة للحج، وهل قليل الأدب دي دعابة، ولا إيه بالظبط؟، وأنا مش قصدي حاجة علي جمعة إمام الوسطية محدش بيختلف عليه".
وعقب "جمعة"، خلال حواره مع الإعلامي عمرو خليل ببرنامج "والله أعلم" المذاع عبر فضائية "سي بي سي"، اليوم الأحد،: "لا مش دعابة اللى معاه فلوس وجاتله تأشيرة ورافض الحج يبقي بيسئ الأدب مع الله، أنتي فهمتي غلط، إحنا مقولناش اللى فى ظروف أعاقته قليل الأدب، والحالة التى تتحدثي عنها ليس قادر على الحج، فالقادر على الحج ليس من يملك أموال، وإنما القادر هو من فازر بالتأشيرة وتخلف عن تلبية نداء النبي للحج".
