أحمد فتحي منفعلاً: زهقت من وصفنا بـ"اللاعبين الكبار"

اعترض أحمد فتحي نجم الأهلي ومنتخب مصر علي تصنيف الإعلامي مهيب عبد الهادي له بأنه من "اللاعبين الكبار" في النادي الأهلي ، مؤكداً أنه لا يوجد لاعبين كبار وآخرين صغار في الأهلي.

ووجه مهيب عبد الهادي سؤالًا إلي "فتحي" عن دور اللاعبين الكبار في لم شمل الأهلي خلال الفترة المقبلة ليرد عليه منفعلاً: "أنا زهقت من وصفنا بـ(اللاعبين الكبار) مش فاهم يعني إيه (اللاعيبة الكبار) أنا مثل أي لاعب في الفريق".

وأضاف: " اللاعبين الكبار بتعمل إيه يعني هي اللي بتمشي النادي مثلًا؟ ومش دوري توجيه وتعنيف اللاعبين الصغار .. ومفيش حاجة إنفرطت في الأهلي علشان نلمها وخروجنا من بطولة أفريقيا نظراً لغياب التوفيق".

وواصل "الجوكر" في تصريحات لبرنامج "الملاعب اليوم" :" والصحفيين اللي بتسأل (البدري) هيعمل إيه مع اللاعبين الكبار .. هيعمل إيه يعني معاهم هيشنقهم مثلاً".

وتابع: "مفيش حاجة إسمها لاعبين كبار ولاعبين صغار في الأهلي وكرة القدم تعترف بالمجهود في الملعب فقط وليس بالسن".