رمضان عن "سياراته": لم اقصد استفزاز الجمهور وانما لاعطى الامل للشباب فى النجاح

نفى الفنان محمد رمضان، ان يكون نشر صوره لسياراته الروزرايز والامبورجينى على صفتحته على مواقع التواصل الاجتماعى، استفزاز للشباب، حيث قال: ربنا يعلم نيتى ليس استفزاز أبدا، وانما لأوحى الامل فى كل شاب، بأنه ممكن ينجح ويقدر، لان كل شاب مصرى يعلم اننى بدات من الصفر وانى شخص عصامى، وعايز اقوله ان ممكن يقدر ينجح.

وأضاف خلال لقائه فى برنامج "هنا العاصمة" مع الإعلامية لميس الحديدى على قناة CBC قائلا: "النجاح مش مرتبط بحالة اقتصادية للبلد، وانما فى ذاتك انت اللى بتحدد حالتك الشخصية مش البلد واستغرب من الشباب اللى يقول ظروفى مش كويسة عشان ظروف البلد، رغم ان ظروف البلد شىء ونجاحك انت شىء آخر، وأعلم إن الاتنين يكملوا بعض لان لو كل شخص اجتهد فى عمله هيقدم للبلد كتير".