نشوى مصطفى تكشف لجمهورها "فتى أحلامها"

كشفت الفنانة نشوى مصطفى، عن فتاة أحلامها، لجمهورها، مؤكدة أنه الراحل المخرج الكبير يوسف شاهين، مضيفة أنها كانت تحبه حبًا شديدًا منذ صغرها وحتى الآن.

وكتبت نشوى مصطفى، على صفحتها الشخصية عبر موقع التواصل الاجتماعى "فيسبوك": "افضل اوقات السنة بالنسبة لى هو الوقت ده -- قاعده البلكونة ومساحة كبيرة اوى فراغ ادام عينى -- والسما فيها نجوم -- والهوا فيه ريحة الشتا -- الدنيا هادية ومافيش ولاصوت غير صوت ذكريات من زمن بعيد قررت تيجى تونسنى".

وتابعت نشوى حديثها: "افتكرت فتى احلامى فى فترة المراهقة اللي بدأت معايا من اجازة الدراسة بتاعت اولى اعدادى -- كان عندى ١٣ سنة -- وكان هو بطل فيلم بسببه عشقت فن التمثيل -- وابتدى حلمى انى اكون ممثلة علشان فى يوم من الايام اقابله وامثل قدامه -- بعد فترة اكتشفت انه مخرج -- كنت باشوف روحه فى عين كل بطل من ابطال افلامه -- -- اقول لكم على سر -- ساعات لما باحس ان الدنيا حتغلبنى بافتح يوتيوب وادور على لقاءاته واتفرج عليه".

وأنهت حديثها قائلة: "باحس انى بيحصل لى اعادت شحن لوجدانى -- للاسف اهم احلامى ماتحققتش -- ولا حتتحقق -- الله يرحمك -- يارب يوسف شاهين يروح ".الجنة".