حكاية "أم" حققت حلم ارتداء فستان الزفاف لأول مرة بعد "8 سنوات زواج"
"الفستان الأبيض"حلم يراود كل فتاة منذ نعومة أظافرها، فهو بالنسبة لها التاج الذهبي الذي يتوجها أميرة على رأس الحضور، ويعلن عن دخولها مملكتها الخاصة مع شريك عمرها، لذا فإن التقاط الصور التذكارية بهذا الفستان يكون له طابعًا خاصًا في حياة كل عروس.
حلم مشروع وظروف قاسية
رغم مشروعية الحلم وبساطته فإن "منى محمد" لم تستطع تحقيقه بعدما حالت الظروف بينهما فتوضح أنها لم تقيم حفل زفاف لظروف خارجة عن إرادتها، مؤكدة: "مكنش مهم بالنسبالي أعمل فرح ولحد دلوقتي مش مهم بس كان نفسي يكون عندي صورة بلبس زفاف".
مسؤوليات أكبر من الأحلام
بعيداً عن الرقص والغناء وغيرها من مراسم الزواج، يظل الفستان الأبيض هو السمة والعلامة المميزة لليلة العمر، فلم تستطع الفتيات ارتداءه في أي مناسبة أخرى فتقول:"بقالي سنين بقول هوفر وأحوش فلوس وأشتري فستان زفاف أتصور بيه، لكن دايما بتفاجئ بمسؤوليات مبتخلصش".
مسؤوليات "منى" كانت أكبر من أحلامها، فأوضحت: "أنا عندي ولد عمره 7 سنين ونص وبنت 3 سنين والحمد لله حياتي كويسة بس طبعا في وسط الغلاء والمشاكل اللي بنواجها كان أهم بكتير إني أدفع مصاريف المدارس للولاد وأجيب طلباتهم اللي مبتخلضش من إني اشتري فستان وأحقق حلمي".
الحلم يتحقق
رغم صعوبة الحياة يبقى الحلم عالقًا في أذهان الحالمين"سألت البنات في جروبات السيدات.. لقيت إقبال رهيب وأكتر من 10 بنات عرضوا عليا فساتينهم وزيهم للشوز واللي قالت عندي البوكيه واللي قالوا هعملك ميك أب فري واللي عرضوا عليا التصوير حاج.. وكل حاجة اتوفرت بسهولة".
أحلام البنات قد تختلف كثيرًا عن واقعية الرجال فتقول عن زوجها:"هو طبعا زي كل الرجالة المصرية مكانش عاجبه الموضوع خالص ولا عايز يعمله بس أنا طول عمري بسمع كلامه في كل حاجة يطلبها مني والحمد لله بينا احترام متبادل طول الوقت فهو بيحاول يعمل أي حاجة أطلبها منه طالما أنها في المستطاع عشان كده اتصور معايا ونفذلي طلبي، الحمد لله حققت فكره كنت بحلم احققها من سنين"
