أبوالليف يكشف تفاصيل خلافاته مع اشقائه ومنعه من دخول المنزل

قال الفنان أبوالليف: "انا شوفت بهدله ومرمطه وزعل كتير، لما أروح مشوار من جليم للمندرة وبقالى يومين مكلتش، واوصل لغايت باب شقة اخواتى، واسمع صوت الولاد والتليفزيون وبعدها بثوانى الاقى كله صمت، يعنى شافونى من العدسة وقرروا ميفتحوش الباب".

واضاف خلال برنامج "المتوحشة" على قناة "النهار" قائلا: "الدم عمره ما يبقى ماية حتى لو فى زعل خليت ضميرى صافى لربنا وهو اللى ينتقم، واخواتى زعلوا جدا منى لما صرحت فى برنامج من قبل وقولت حسبى الله ونعمه الوكيل، وفيه منهم لغايت دلوقت بيدوس اكتر وبيفترى اكتر عليا".

وتابع قائلا: "لما ابقى نايم فى العناية المركزة واللى منى يسبنى ويدور على الورث، ودة بعد ما اتقال انى ميت اكلينكيا، وانا عندى اختين وثلاثة اخوات ولاد، وكلهم قريبين منى ماعدا واحد الاكبر منى ربنا يهديه لنفسه".