بالفيديو.. سعد سمير عن أول لقاء مع الخطيب: " مكونتش مصدق وحسيت برعشة وبدأ اتهته"

كشف سعد سمير، مدافع الفريق الأول لنادي الأهلي، عن أول تعارف وحديث جمعه مع محمود الخطيب، نجم الأهلي، ومنتخب مصر السابق.

وقال سمير خلال لقاء له مع الإعلامية منى الشاذلي على قناة "CBC": "كنت قاعد أنا ومصطفى عفروتو، وحد اتصل بيا قال لي معاك كابتن محمود الخطيب، قلت له أقفل عيب، فعفروتو سألني فيه إيه؟ قلت له واحد بيهزر وبيقول إنه الخطيب فقال لازم يقرفونا بقى".

وتابع سمير: "الرقم رن تاني فعفروتو قال لي هاتوهلي بقى، قلت له لا، وكلمته، قال لي أزيك يا سعد يا ابني أنا محمود الخطيب".

 وأضاف: " أول مسمعت الصوت بدأت اتهته، حضرتك الخطيب؟ قال لي أيوه يا ابني" فحسيت برعشة  لأن الخطيب بالنسبة لنا رمز كبير".