أسامة كمال تعليقا على القمة العربية: الأمة الواحدة والمصير المشترك أمر إلهى مطلوب العمل لتحقيقه

قال الإعلامى أسامة كمال، إن الله سبحانه وتعالى قال في القرآن الكريم: "وَإِنَّ هَٰذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاتَّقُونِ" موضحا أن فكرة الأمة الواحدة والمصير المشترك لم تكن فكرة شخص ولم تكن توّجه بشرى، وإنما هى أمر إلهى مطلوب العمل من أجل تحقيقه وجعله واقع.

وأضاف "كمال" تعليقا على القمة العربية المقامة حاليا فى البحر الميت بالأردن، خلال برنامجه "مساء dmc الذى يقدمه على فضائية الـ"dmc  اليوم الأربعاء:"لما نسمع ناس بتقول قمة آيه وعربية آيه وهيوصلوا لآيه يعنى؟ ماهم اجتمعوا مرات ومرات والحال هو الحال ويمكن أسوأ، عايز أقول لهم في حاجات بتبقى قرار قائد أو مجموعة قادة مع بعض وفى حاجات بتبقى تكليف للكل".

وتابع كمال: "وزى ما بنقول في حاجات فرض كفاية لو عملها ناس تسقط عن باقى الناس، وفى حاجات فرض عين، يعنى لازم نعملها كلنا ونسعى لها كلنا ونحاول كلنا نحققها مش بس يسعى وراها رئيس أو ملك، عشان كده بأقول لكل واحد شايفنا دلوقتى، القادة بيصدروا قرارات وحسابات القادة حسابات مرحلة، وحساباتنا احنا حسابات بقاء، حسابات القادة بتتأثر بعوامل كتير، بعضها لك فيه وبعضها مالكش فيه، حسابات القادة بعضها مصالح عامة وبعضها مصالح شخصية، بس حساباتنا احنا كمواطنين مافيهاش غير مصالح الناس ومصالح العباد".