بيومي فؤاد يناقش السلبية في الدفاع عن الفتيات على "إينرجي"

خصص الفنان بيومي فؤاد الحلقة الثانية من برنامجه بيوميات على إذاعة "إنيرجي" التي تبث عبر تردد 92.1 للحديث عن شهامة الشباب في الدفاع عن فتاة تتعرض للتحرش في الشارع والموقف السلبي للبعض مما يحدث.

وعلى طريقته، قال بيومي أثناء حديثه مع أحد ركاب سيارته الأجرة في البرنامج: "كان في موقف حصل، وهو أن في البنت كانت ماشية في حالها تمشي الكلب بتاعها إذ شخص يوقف عربيته ويبدأ يعاكسها، ولما مشيت وكملت مشي وراها ونزل من عربيته وضايقها، فالبنت قامت بالواجب معاه ووبخته، وحصل ساعتها أن الناس وقفت تتفرج عليها ومحدش حاول يدخل يحميها من الشاب أو يدافع عنها، لحد ما جيه شاب وأتكلم معاه وقال للولد ترضي يحصل كده مع مامتك أو أختك، وعلى الفور سمع الولد لكلام الشاب ومشي".

وتابع فؤاد: "الغريب إن الناس وقفت تتفرج ومحدش حاول يتدخل، ولما أتدخل الشاب محصلوش حاجة أه والله محصلش حاجة، أنا بسأل نفسي إحنا أزاي بقينا كده".