نشوى الحوفي تدافع عن السيسي وتسرد إنجازاته
قالت الكاتبة الصحفية نشوى الحوفي، إن ما قام به الرئيس عبد الفتاح السيسي، منذ توليه منصبه، لم يحدث من قبل.
وكتبت "الحوفي"، في تدوينة علي حسابه بموقع التواصل الاجتماعي "الفيسبوك"، اليوم الخميس، "فيه ناس بتقول الريس باع لنا الوهم... وده ردي عليهم: أي أوهام اتباعت لحضرتك؟ نموك كان لحد 2013 يا دوب 2.4% النهاردة 4.2 % وفقا لتقديرات العالم، احتياطيكي النهاردة 28 مليار هو مستلمه 12 مليار ومنهم 4 مليار وديعة قطر اللي اصر يرجعها".
وتابع: "حفرتي قناة سويس تانية بطول 73 كم في سنة وبتحولي المنطقة لصناعة واستزراع سمكي ومنطقة لوجيستية - بينما قناة بنما اللي طولها 89 كم اتوسعت ب 5 مليار دولار في 7 سنين. شفتي الطريق الاقليمي الدائري؟ زرتي العاصمة الادارية الجديدة؟ خطفت رجلك للفرافرة تشوفي الارض المزروعة قمح ؟".
وتابعت: "رحت الانفاق الاربعة اللي هاني عازر قال أكبر أنفاق حتحقق تنمية مستدامة لمصر؟ شفتي سحارة السرابيوم؟ اتفرجت على مصنع البتروكيماويات بتكلفة مليار دولار؟ شفتي تسليح الجيش عشان تقفلي عليكي باباك بامان بينما اللي حواليكي بيقع؟ شفتي الناس اللي وصلت ل 6 مليون بيستفيدوا من معاش تكافل وكرامة؟".
وواصلت: "شفتي الـ 3 مليون اللي اشتغلوا في مشروعات البنية التحتية؟ شفتي جبل الجلالة والشغل فيها؟ جربت تقود السياسة الخارجية لبلادك وسط حقل الغام أنت عارف أن أي غلطة ممكن تفجر لغم؟ جربتي تقفي على الحدود تحميها وتصلحي كل خيبة بيعملها خونة وفشلة وفاسدين في قلب البلد وإنتي في نفس الوقت بتكافحيهم؟ والنبي لما حد يكلمني عن أوهام يحطها بالمعلومة والأرقام وبلاش الكلام المرسل، أكيد فيه اخطاء أحنا بشر لكن اللي تم انجازه ما حصلش قبل كدة".
