مرتضى منصور لحسام وإبراهيم: خلي عندكم دم وكفاية بلطجة وأنتم السبب في مجزرة بورسعيد
هاجم مرتضي منصور رئيس نادي الزمالك، التوأم حسام
حسن المدير الفني للمصري وشقيقه إبراهيم مدير الكرة في الفريق البورسعيدي عقب المباراة
التي جرت بين الفريقين مساء اليوم ضمن فعاليات الجولة الثالثة للدوري.
وقال "منصور" في تصريحات تليفزيونية لفضائية
"العاصمة": " ايه الغل ده كله يا حسام انت وابراهيم".
وأضاف: " جمهور وجهاز الزمالك محترم ومجرد
ما مدحت عبد الهادي وقف اتصلت بـ أحمد جلال إبراهيم علي الفور ليلتزم الهدوء".
وتابع: في إيه يا حسام نسيت مين اللي طلعك من السجن
أنا خرجتك من السجن 10 مرات انت واخوك، يبقي ولائك لمين للاهلي مش للمصري، يبقي علي
طول اتهمك بتفويت نهائي الكأس للأهلي مباشرة".
وواصل: " انتظر موقف اتحاد كرة وهناك ايضًا
مجلس إدارة للمصري برئاسة المحترم سمير حلبية، بالإضافة لجماهير المصري اللي أهانه
اليوم باعلان ولائه لفريق منافس الأهلي".
وتابع: " انتم تم طردكم من الاهلي وضربوكم
بـ"الجزم" والزمالك ضمكم واعطاكم فرصة للتدريب يبقي ده جزاءنا في النهاية،
واوعوا تنسوا انتم السبب في مجزرة بورسعيد".
وأردف: " الكرة مكسب وخسارة واحنا عارفين ياحسام
انت بتكسب بإيه بالسحر والشعوذة ومعاك مشعوذ 24 ساعة، كفاية السحر اللي انت بتعمله
4 مباريات تكسبها بركلة جزاء أونطة".
وأتم: " خلي عندكم دم وكفاية بلطجة عايزين تعملوا مجزرة جديدة كفاية بقي".
