أبرز مشاهد الدراما والكوميديا للساحر محمود عبدالعزيز في مسيرته (فيديو)

لعل أشهر مشاهد الساحر الخالدة هو حوار الشيخ حسن و"عم مجاهد" في فيلم "الكيت كات"، عندما كان يشكو الشيخ حسن من ضيق الحال لـ "عم مجاهد" والذي توفي بعد حوار الشيخ حسن. 

 

من أفضل المشاهد الساخرة للنجم محمود عبد العزيز، إن لم يكن أفضلهم، هو مشهد "الشيخ حسن" من فيلم "الكيت كات"، بعد انتهاء مراسم عزاء "عم مجاهد"، يروي الشيخ حسن بعض أسرار الحارة بدون أن يعلم أن "الميكروفون" مفتوح، الامر الذي فضح كثير من أسرار الحارة التي كان يعلمها "الشيخ حسني". 

من المشاهد الخالدة أيضاً، فيديو للساحر من مسلسل "جبل الحلال"، في حوار مع نفسه في الصحراء قال فيه، "وهى الحياة إيه الوهم اللى احنا عايشين فيه ده، مابقتش فاهم حاجة .. جبلك يا هيبة مكلهوش حلال، جبلك جواه تشكيلة متلخبطة فيها الخير والشر.. الناس اللى بتحبهم بيموتوا واللى بتكرهم عايشين خايف ياهيبة جبلك يتهد ويتهد معاه جبل الحلال.. وجبلك وهم كبير مدارى فيه الحرام كله.. عندك كتير بس بردو فقير .. خايف من أخوك وخايف من المجهول كل ده وهم، الخوف وهم".

ومن مشاهد مسلسل "جبل الحلال" أيضاً، حديث "أبوهيبة" عن الموت قائلاً: ماتخافش على أبو هيبة من الموت .. اللى شاف الموت ما يخافش منه، وأنا شوفته وعرفته جاى علشان ياخد عمرى حسيت إنى طلعت لفوق، وشوفت الأرض كأنها حبة رمل ماتسويش وتحس إنك خفيف والموت حنين وعمال يطمنك وشوفت قدامى شريط حياتى بيدور.. وبعدين احنا بنخاف من الموت ليه وكلنا موتنا كذا مرة".

"وأنت شاب بيموت الطفل وأنت شايب وعجوز بيموت الشاب كلنا موتنا كذا مرة وكل مرة بنبكى لكن مافيش أغلى من الحياة أول ما تفتح عينك الصبح لازم تشكر ربنا".

وتحدث عن الموت في إجابة له على سر عدم خوفه من الموت قائلا "حد يخاف من الموت اللي يخاف منه يبقى تعبان أوى، إزاى تخاف من خواف".

وأضاف "طبعا خواف لو مش خواف ما يجيش مستخبى.. هو مش خواف هو خجول لدرجة مش عايز حد يشوفه.. جربت منه وجرب منى كتير وحسيت بأنفاسه للموت أنفاس خفيفه زى النسمة ما يحسها إلا المقصود تحس بهوا نضيف داخل صدرك ملهوش مصدر، رحته جميلة بيروحك من الحته اللى انت فيها، تبقى شايف الناس والناس شيفاك لكن لا تقدر تكلمها ولا تقدر تقولهم ابعدوه .. كل اللى تقدر تعمله تصاحبه وتتطاوعه لو كل حد فينا عرف انه هيقابله مرة واحدة مكانش حد يعمل الشر ده خالص".