حسام داغر يطمئن جمهوره على حالته الصحية بعد خروجه من المستشفى

حرص الفنان حسام داغر على طمأنه جمهوره على حالته الصحية بعد تعرضه لأزمة صحية شديدة خلال الأيام القليلة الماضية، وذلك من خلال حسابه الشخصي على موقع التواصل الاجتماعي “فيسبوك”. 

 كتب حسام داغر منشورًا قال فيه:" الحمدلله خرجت من المستشفى رجعت البيت بقيت أحسن، الحمدلله طلبوا مني متابعة الضغط واقيسه كذا يوم لتحديد السبب بشكر كل صحابي اللي جم المستشفي اطمنوا عليا  و كل اللي اتصل بيا وردوا عليه وكل اللي كتبولي واطمنوا عليا ودعولي". 

وتابع:" دعواتكم هي اللي خلتني أحسن أنا بس موضوع الضغط ده جديد عليا وشكلي كده دخلت نادي بتاعه علي رأي سما إبراهيم صديقتي بشكرك وبشكر كل اللي اطمنوا عليا وكتبولي لو أقدر هشكر واحد واحد ". 

وأضاف:" بس دكتور طلب مني الراحة يومين والابتعاد عن الموبيل والتوتر وتنظيم الأكل وأشرب ميه كتير؛لإني فعلًا كنت مهمل فيها جدًا خلوا بالكم من نفسكم ويا رب متشوفوش وحش أبدًا فيكم أو في حبايبكم".