سهير جودة:"لازم نعلم الأجيال الجديدة معنى نصر أكتوبر"

تأتي هذه الأيام بحلول ذكرى حرب أكتوبر المجيدة التي بدأت في ٦ أكتوبر، وانتهت بإنتصار الجيش المصري على قوات الإحتلال الإسرائيلي، وقد أطلت الإعلامية الإعلامية الكبيرة سهير جودة  خلال برنامج ( الستات) المذاع عبر فضائيات (النهار)، حيث عبرت عن سعادتها بذكرى حرب أكتوبر المجيدة، وانتصار جيشنا المصري العظيم.

تصريحات سهير جودة

وقالت سهير جودة خلال برنامج (الستات):"روح اكتوبر هي اللي المفروض تبقى معانا كلنا على كل المستويات، والفن كان معبر صادق عن الروح دي، لكن طول الوقت احنا محتاجين اننا نسعيد روح أكتوبر".

وتابعت سهير خلال برنامج (الستات) إنها تنتظر يوم ذكرى نصر أكتوبر غدا عبر الإذاعة،و أضافت: “هستنى بكرة الاذاعة، وأغنية بسم الله الله  اكبر دي من الحاجات اللي بتديني طاقة، بحب اسمعها، لو سمعتها مليون مرة هفضل مستمتعة وسعيدة، عبرنا الهزيمة يا مصر يا عظيمة، صوت شادية الرائع، الحان بليغ حمدي”.

وتابعت سهير جودة: "صوت وردة في اغنية وانا على الربابة بغني، الأغنية دي اتعملت في ساعات، فالفن كان قد ايه حاجة حقيقية وصادقة ومعبرة، فالموسيقى والألحان والكلمات والروح حاجة تانية، الزمن بيفرق".

وأشارت: "لازم نبتدي نعلم الاجيال الجديدة يعني ايه نصر اكتوبر، المدرسين في المدرسة والاهل لازم يتكلموا معاهم عن نصر أكتوبر، ده فرض عين على الجميع مش فرض كفاية، ولازم الاجيال الجديدة يبقى عندها عزة وفخر بنصر أكتوبر، وليه لازم نستحضر روح اكتوبر دايما، ده واجب على كل الاباء والمعلمين".
وأضافت: "خلوا الولاد يخاصموا المهرجانات، أو اي نوع تاني من الاغاني اللي بيسمعوها، وكل التحية لانواع الموسيقى المختلفة، لكن يوم نصر اكتوبر مختلف، وسمعوهم الاغاني الوطنية، شوفوا قد ايه كان عندنا ناس عظماء في الموسيقى، وسعيدة بتكريم علي اسماعيل في الدورة 31 من مهرجان الموسيقى العربية، ولازم نفخر بأننا عندنا اسم زيه في مصر، دي فرصة هما هيستمتعوا بجد بالنوع ده من الموسيقى اللي فيها حماس وحب".

وأضافت الإعلامية الكبيرة مفيدة شيحة: "زي ما سهير قالت، إحنا محتاجين نقعد مع الولاد الصغيرين ونقولهم ونفرجهم على الأفلام، مش هنخسر حاجة أبدا إن إحنا نطلع الجيل ده زي ما إحنا إتربينا عنده عزت نفس وكرامة وفرحان بنفسه القاعدات تبقى حلوة، والتجمعات تبقى ظريفة".