سهير جودة: تشيد بفخر العرب مو صلاح وتتعاطف مع بيكيه بعد اعتزاله
الإعلامية سهير جودة تدعم اللاعب المصري محمد صلاح
أشادت الإعلامية سهير جودة، بمستوى اللاعب المصري محمد صلاح، في اخر مبارياته مع فريق ليفربول الإنجليزي، ونجح في تسجيل هدفين، قائلة: "صلاح بيعمل حالة من السعادة للمصريين، وكلنا بنحس ببطولاته وإنجازاته وبنفرح بيها".
اعتزال بيكيه
وقالت سهير في برنامجها الذي يحمل اسم "الستات"، والمذاع عبر فضائية "النهار": "بيكيه احنا اتكلمنا قبل كده وان الستات مبسوطة عشان هو اعتزل كرة القدم، بسبب رفضة لإرتداء تيشيرت برشلونة وهو مدون عليه أول حرف من اسم شاكيرا بعد انفصالهما مؤخرا بسبب خيانته لها، وكان في رد فعل كبير من الرجالة تعاطف مع بيكيه لأن هو طلع ذكي، لما ظهر في الملعب وهو بيعيط وبيعلن اعتزاله، وانا شخصيا لما شوفت الفيديو بتاعه اتأثرت".
الإعلامية سهير جودة تتعاطف مع بيكيه
وتابعت سهير: "لحظة قاسية جدا ان انت بتقرر تسيب اكتر شئ انت بتحبه، وكرة القدم بالنسبة لناس كتير رقم واحد، كنجوم في الملعب أو حتى جمهور، وفي نوعية مشجعين انا بتعاطف معاهم سواء اهلاوية أو زملكاوية أو بيشجعوا اندية اخرى، انا بحس انهم صعبانين عليا، واغلب المشجعين بيتفرجوا على الكورة لارتباطهم بفترة الطفولة لأنها كانت حلم بالنسبالهم انهم يطلعوا لاعيبة كورة".
سهير جودة: دموع الرجل صادقة
وأضافت سهير خلال برنامجها الذي يحمل اسم "الستات"، قائلة: "كمان الرجل قليل البكاء، ومش بالساهل يعيط، وده بسبب أن القنوات الدمعية عنده أقل من الست، عشان كده دموع الرجل صادقة، لأنها فعل غير مسبوق، لكن في رجالة لو عيطوا بيبقوا بيمثلوا، الرجل مبيعيطش بسهولة، لكن اللي بيعيط للإستفزاز دي بتكون دموع التماسيح".
