عمرو أديب ينتقد ما يقوم به بعض التجار في رفع الأسعار
علق الإعلامي عمرو أديب، على أزمة ارتفاع أسعار السلع، قائلًا "الناس اللي بتأخذ الدولار من البنك بـ24.70 ليه بتحاسب الناس على 30 ده كفر".
وأضاف "أديب" خلال تقديم برنامجه "الحكاية" المذاع على فضائية "إم بي سي مصر" "أنا لا أقف على مسألة الدولار هيبقى بكام ولا هو في بره بكام أنا سؤالي هل فيه دولار".
وتابع "هناك من 5 إلى 6 مليار بضاعة موجودة في الموانئ محتاجين نفرج عنها أو عن نصفها علشان ده يعمل انفراجة في السوق والأسعار تنزل شوية".
واستطرد "أنا لا انتظار ما سيسفر عنه اجتماع البنك المركزي من أجل سعر الفائدة أو حدوث تعويم كامل أو سعر الدولار هيوصل لكام أنا سؤالي هل فيه دولار".
وأردف "التجار المفترين اللي راح أخذ من فلوس البلد من البنك المصري الدولار بـ24.70 ليه يبيعها بـ30 و32 انتوا واخده بكام الأزمة الحالية أزمة مركبة أزمة دولار وأزمة ضمير وأزمة فكر وتفكير خارج الصندوق".
واستكمل حديثه "واحد أخذ قرار غلط واتورطنا فيه، إحنا عايزين حل يعملك قفزة ويغيرلك الدنيا، ولكن فيه ناس جوه الدولة شايفة أنه لا ومش هي دي الطريقة".
وحذر أديب في ختام حديثه التجار بقوله "المبالغة في الزيادة في الأسعار واستمرارها في النهاية البضاعة هتبقى قاعدة وإحنا مستنين قرار البنك الدولي أنه يخلص النهاردة أو يتأجل".
