سهير جودة: ثقافة المساواة كذبة كبيرة: 'يعني ايه الراجل تعددي'

قالت الإعلامية سهير جودة، إنه إذا سألنا أي شخص ما هو مفهومك عن الرجولة والأنوثة، نجد إنه يختزل الرجولة في أشياء لا علاقة لها بالرجولة، ويختزل الانوثة في اشياء توصم المرأة التي هي أساس الكون.

واضافت سهير في برنامجها الذي يحمل اسم "الستات" والمذاع عبر فضائية "النهار"، قائلة: "ممكن اخد جملة الراجل راجل والست ست، من اتجاة ان الرجل اعلى والست هي الادنى، يا جماعة بلاش نرسخ الثقافة دي.

واستكملت سهير جودة: بلاش نرسخ ثقافة المساواة، لإنه ا كذبة كبيرة، احنا الاتنين زي بعض، ربنا خلق الراجل بمواصفات معينة والست بمواصفات معينة، لكن في الحقوق والواجبات والمشاعر والاحتياجات والطموحات احنا زي بعض".

وأشارت سهير جودة، قائلة: «من الافكار الكرتونية واللي بتغلف بغلاف ديني، ان الراجل بطبعه تعددي، يعني ايه تعددي، وفي رجالة عندهم من الوعي والتنوير انهم يكونوا منصفين وموضوعيين».

https://www.youtube.com/watch?v=XHcfsL2BTOs

سهير جودة: الست أكثر مهارة من الرجل في السواقة

ومن ناحية أخري، سبق وقالت سهير جودة، في تصريحات تلفزيونية: الرجالة بتقول في مصر إنهم بيخافوا من حاجتين، سواقة الستات، وسواقة العربيات الكبيرة في الطرق السريعة.

وأضافت سهير، أن هناك إحصائيات تشير إلى أن السيدات هن الأكثر استقرارًا وهدوءًا في اتخاذ القرارات أثناء في قيادة السيارات من الرجل، وهن أيضًا الأقل تسرعًا في استعادة السيطرة على السيارة، موضحة: بس مينفعش نمشي بالعربية ببطء في الطريق وكأننا في صالون بيتنا، لأ لازم ناخد بالنا ومنعطلش الطريق.

سهير جودة: الرجل بدأ في السواقة قبل الست

واختتمت سهير جودة: سبب انتشار إن الست متعرفش تسوق، إن الرجل بدأ في سواقة السيارت بفترة أطول من الست، فبقى عند الرجالة ثقة زايدة، وده ممكن يكون السبب في أنهم بيعملوا حوادث كثيرة، وفكرة إن الست بتسوق أقل من الراجل ده يرجع لفرق الخبرة بينهم، وفي وصمة دايمًا على الست بسبب السواقة، ودي ممكن اللي تخليها معندهاش الثقة والجسارة اللي عند الراجل.