بشرى تكشف عن سبب ابتعادها عن الأعمال الفنية خلال الفترة الحالية.. وانتظروا 'أنا مشكلة'

كشفت الفنانة بشرى سبب ابتعادها عن الأعمال الفنية خلال الفترة الحالية، كما تحدثت عن أغنيتها الجديدة المقرر طرحها قريبًا.

بشرى تكشف سبب ابتعادها عن الأعمال الفنية

وأكدت الفنانة بشرى في تصريحات صحفية، أنها لن تشارك في أي أعمال فنية الفترة الحالية وذلك نظرًا لعدم استقرار وضع التمثيل، معلقة: وضع التمثيل حاليًا مش أعظم حاجة، عشان كدة أنا شايفة إننا نتبرع بوقتنا.

وإضافت بشري: إننا نهتم بتطوير نقابتنا وتطوير كل ما هو حول النقابة.. وتطوير كل حاجة سواء ملفتنا أو أي حاجة ليها علاقة بنقابتنا.. والحقيقة بدعم ده جدًا وعشان كده في الوقت الفاضي اللي احنا فيه ده نظبط أمورنا لحد ما تيجي عروض جيدة للعمل عشان نشتعل بمزاج لأننا مش عارفين نشتغل بـ راحة.

بشرى عن أحدث أعمالها الغنائية

كما كشفت بشرى عن أحدث أعمالها الغنائية، أغنية "أنا مشكلة" من المقرر طرحها خلال الأيام المقبلة، قائلة: إن شاء الله خلال كام يوم تنزل أغنيتي الجديدة اسمها أنا مشكلة ودي الأغنية الثالثة من ألبومي الجديد حتة تالتة، ومتبقي كدا 10 أغاني هيتم طرحها خلال 2023.

أمنيات بشرى في عام 2023

وعلقت بشرى على حلول العام الجديد 2023 قائلة: يا رب سنة 2023 تكون أحسن من السنة اللي احنا فيها دي، ويا رب ينتشر الرخاء والاستقرار على العالم كله، وخصوصًا الاستقرار الاقتصادي والحروب تقل؛ عشان العالم والكوكب مش محتاج أكتر من كده.

آخر أعمال الفنانة بشرى

والجدير بالذكر ان آخر أعمال الفنانة بشرى، هو فيلم معالي ماما، الذي عرض بشهر فبراير الماضي، وضم عدد من الفنانين، من بينهم نور قدري، محمود الليثي، شيماء سيف، سامي مغاوري، نور إيهاب، محمد علي رزق، علاء مرسي، شريف داغر، ومن تأليف نادر صلاح الدين، وإخراج أحمد نور.