أحمد موسى عن خسارة ليفربول: "صلاح مش هيشيل الفريق لوحده"
قال الإعلامي أحمد موسى، إن فريق ليفربول الإنجليزي يعيش أسوأ فتراته هذا العام في الدوري الإنجليزي، موضحا أن لاعبي ليفربول لم يقدموا مستواهم المعهود هذا الموسم.
هزيمة ثقيلة أمام برايتون
وأضاف خلال برنامج “على مسئوليتي”، المذاع على قناة صدى البلد، أن الفريق الإنجليزي به ثغرات في جميع خطوطه داخل الملعب، لافتا إلى أنه تلقى هزيمة ثقيلة اليوم أمام فريق برايتون بثلاثية نظيفة.
الفريق كله وحش ومحتاج دعم كبير
وأشار قائلا: “الفريق كله وحش ومحتاج دعم كبير وإنفاق كبير.. كلوب المدير الفني للفريق قال إحنا محتاجين دعم ولاعيبه ولازم يتم الإنفاق”، متابعا: “ انهاردة اليونايتد فاز على السيتي.. الناس دي بتنفق الفلوس وتشتري لاعيبه وبأرقام لكن ليفربول بيشتري بأرقام متواضعة”.
محمد صلاح مش هيشيل الفريق لوحده
وتابع: “ليفربول معتمد على محمد صلاح.. بس محمد صلاح مش هيشيل الفريق لوحده.. الفريق عليه علامات استفهام وأخطاء قاتلة لكل لاعبي ليفربول والفريق مش هياخد حاجة السنة دي”.
وأوضح قائلا: “هتنافس إزاي على دوري الأبطال، وانت مش قادر في الدوري وكمان في المركز الثامن، ليفربول عليه استفهام كبير”
