عاجل.. أول تعليق من والد لاعب الملاكمة رامز حسام ويكشف مفاجأة
كشف حسام محمد، والد لاعب الملاكمة المتوفى في ختام بطولة الجمهورية بطنطا، تفاصيل مفاجأة بشأن وفاة نجله أثناء مشاركته في بطولة الجمهورية للشباب.
وقال "محمد" في اتصال هاتفي مع الإعلامي شريف عامر ببرنامج "يحدث في مصر" المذاع على فضائية "إم بي سي مصر" مساء اليوم الأربعاء: "رامز من يوم 4 فبراير موجود في طنطا مشارك في البطولة لعب الأدوار التمهيدية والإقصائية وكان نفسه يحصل على ميدالية ذهب".
وأضاف "أنا مكنتش متواجد في مصر وكنت متابع معاه اللي عرفته واللي شوفته أنه أخذ كمية ضربات وخبطات غير قانونية مش عارف الحكم أخذ باله ولا لا وتم الاعتداء عليه مرة واثنين في آخر مرة كان فيه ضربات كثيرة وكان المفترض يوقف ويلغي المباراة".
وتابع "رامز في هذه المباراة لم يكن مستواه وكان واضح أن فيه إصابة تم خلال البطولة نزل من على الحلبة مش قادر يرفع رأسه ووقع أغمى عليه مكنتش فيه دكتور ومكنتش فيه سيارة إسعاف واللي شاله كان خاله والكابتن اللي بيدربه وكان عنده نزيف داخلي".
واستطرد "للأسف مكنش فيه أي دكتور زي ما الناس بتقول محدش عمل إسعافات أولية لابني، واللي شال ابني بعد ما اتصاب خاله والمدرب بتاعه وراحوا بيه على المستشفى جراحة في المخ مكنش فيه سيارة إسعاف موجودة وابني اتنقل للمستشفى في سيارة خاله".
وأردف "ابني خضع لجراحة في المخ لمدة 6 ساعات لوقف النزيف بمستشفى طنطا الجامعي، والوضع كان سيىء جدًا في مستشفى طنطا الجامعي وابني اتبهدل وكان نفسي حد يساعدني أعالجه في أي حتة على حسابي الشخصي، ووزير الشباب والرياضة تواصل معايا وعزاني وأنا عايز حق ابني".
