مرتضي منصور: رجب بحه علم عليا.. والخطيب ميقدرش يعمل كده
علق المستشار مرتضى منصور رئيس الزمالك المعزول على المنافسة مع محمود الخطيب رئيس الأهلي في مختلف الألعاب الرياضية منذ قدوم الأخير لرئاسة القلعة الحمراء.
تصريحات مرتضى منصور
وقال مرتضى منصور في تصريحات تلفزيونية منذ قليل عبر قناة الزمالك: "بيقولك من ساعة الخطيب ما جه وهو معلم عليا، معلم عليا في ايه! قصدك من ساعة (بحه) ما جه وهو معلم عليا".
وأكمل منصور: "الناس بتقول لي ما تشوف حد لرجب بحه دا أجيب مين وبعدين دا نهايته سودا، نهايته حرق جثث وبعدين أنا معلم على الخطيب من 2017 واحده رايح جاي".
واسترسل: "أنا أقف ضد البني آدم أنا ولاعيبتي والجهاز الفني لكن أنا هعمل ايه بالجن واللي مصدق إن فيه جن الأهلي كان بيبع 4 لاعيبة وبقوا وحوش".
واختتم مرتضى منصور تصريحاته موجهًا رسالة إلى جمهور الزمالك: "متزعلش اغضب كما تشاء ولكن لا دعمني، رئيسك بيطلع من الحبس على العزل، كيف لا يؤثر كل هذا على اللاعيبين، من رفع دعاوى العزل والحجز على أرصدة النادي هم زملكاوية. بشكر الجمهور المحترم وبدعم الفريق والجهاز".
